កូរ៉េខាងត្បូង៖ នៅថ្ងៃទី១៥ ខែកក្កដានេះតារាស្រីKim Yoo Jung បានបញ្ជូលរថយន្តកាហ្វេមួយគ្រឿង ដើម្បីធ្វើជាកាដូដល់កន្លែងថត របស់តារាប្រុសSong Jae Rim តែម្តងដើម្បីបង្ហាញពីការគាំទ្រដល់តារាប្រុសរូបនេះ។
ភា្នក់ងាររបស់តារាSong Jae Rim នៃGrand Anse Entertainment ក៏បានធ្វើការបង្ហោះរូបរបស់តារាប្រុសរូបនេះជាមួយនិងរថយន្តកាហេ្វ ភ្ជាប់ជាមួយCaptionថា “រថយន្តកាហ្វេរបស់តារាស្រី Kim Yoo Jung ត្រូវបានបង្ហាញខ្លួននៅទីតាំងថតរឿង ‘Let Me Hear Your Song’ របស់Song Jae Rim។ អរគុណ! សម្រាប់ការគាំទ្រនេះ ការថតនៅថ្ងៃនេះ នឹង ពោរពេញទៅដោយ ភាពស្រស់ស្រាយ និង ភាពកក់ក្តៅជាមិនខាននោះទេ! អរគុណខ្លាំងណាស់”។
គួរបញ្ជាក់ផងដែរថា អ្នកទាំងពីរធ្លាប់បានសម្តែងជា តួឯកជាមួយគ្នានៅក្នុងរឿង«Clean with Passion for now» កាលពីពេលកន្លងទៅ បើទោះបីជារឿងត្រូវបានបញ្ចប់ទៅក៏ពិតមែន តែពួកគេនៅតែអាចរក្សា មិត្តភាពនេះបានល្អដដែល។ រឿងភាគថ្មីរបស់Song Jae Rim ‘Let Me Hear Your Song’របស់ទូរទស្សន៍ KBS 2TV នេះក៏ជិតរួចរាល់នឹង ត្រៀមចាក់បញ្ចាំង នាពេលឆាប់ៗខាងមុខនេះដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]