ពេលនេះ ស្ថានភាពអតីតតារាស្រី ធ្លាក់ខ្លួនដោយគ្រឿងញៀន ដែលTangmo ជួយបានធូរស្រាលច្រើនហើយ

ថៃ៖ ដូចដែលប្រិយមិត្តបានជ្រាបរួចហើយថា កាលពីប៉ុន្មានខែមុននេះ តារាសម្ដែងស្រី កញ្ញា Tangmo បានប្រកាសនឹងជួយដល់អតីតតារាសម្ដែងស្រី កញ្ញា Tai ដែលបានធ្លាក់ខ្លួនសឹងមិនគួរឲ្យជឿ ដោយសារតែការប្រើប្រាស់គ្រឿងញៀន ឲ្យជាសះស្បើយនឹងអាចចូលប្រឡូកក្នុងវិស័យសិល្បៈវិញ។

យ៉ាងណាមិញ នាពេលថ្មីៗនេះ ក្រោយពេលតារាស្រី កញ្ញា Tai បានទទួលការព្យាបាលយ៉ាងយកចិត្តទុកដាក់ពីក្រុមគ្រូពេទ្យ មករយៈពេលជាង៤ខែមកនេះ ហើយជាពិសេសនោះ គឺការជួយផ្គត់ផ្គង់ចំពោះការព្យាបាលទាំងស្រុងពីតារាសម្ដែងស្រីដ៏មានប្រជាប្រិយភាព កញ្ញា Tangmo ដោយស្ថានភាពរបស់តារាស្រីរូបនេះនៅពេលបច្ចុប្បន្ន ឃើញថាបានប្រសើរឡើងច្រើនខ្លាំងណាស់ ខណៈដែលថ្មីៗនេះ រូបនាងអាចប្រើប្រាស់ទូរស័ព្ទខលជាវីដេអូ ជាមួយនឹងតារាស្រី កញ្ញា Tangmo បានដូចជាមនុស្សធម្មតាទៅហើយផងដែរ។

ជាមួយនឹងដំណឹងមួយនេះ បានធ្វើឲ្យមហាជនជាច្រើន បានសម្ដែងការអបអរសាទរ និងបានសរសើរចំពោះទឹកចិត្តដ៏ធំធេងរបស់តារាសម្ដែងស្រី កញ្ញា Tangmo ជាខ្លាំង ដែលបានជួយសង្គ្រោះដល់តារាស្រី កញ្ញា Tai ឲ្យបានជាសះស្បើយ ដោយនេះអាចនិយាយបានថា ដូចជាការផ្ដល់ជីវិតថ្មីមួយទៀត ដល់តារាស្រីរូបនេះផងដែរ៕

សូមទស្សនារូបភាពខាងក្រោម៖

• តារាថៃ