អង់គ្លេស៖ បើនិយាយពីកីឡាករអាស៊ីដែលជោគជ័យនៅ Premier League បងប្អូនច្បាស់ជានឹកឃើញមុនគេទៅដល់ខ្សែប្រយុទ្ធជួរមុខរបស់ Tottenham Hotspur គឺកីឡាករ Heung Min Son។
យ៉ាងណាមិញ ក្រៅពី Heung Min Son នៅមានកីឡាករកូរ៉េខាងត្បូងមួយរូបទៀតដែលធ្លាប់ជោគជ័យខ្លាំងបំផុតនៅ Premier League គឺខ្សែបម្រើ Park Ji-Sung ដែលជាអតីតរបស់ក្លិបបិសាចក្រហម Manchester United។
Park Ji-Sung បានចំណាយរយៈពេល ៧ឆ្នាំជាមួយ Man UTD ក្រោមការដឹកនាំរបស់អ្នកចាត់ការទូទៅលោក Sir Alex Ferguson ក្រោយផ្លាស់មកពី PSV ក្នុងឆ្នាំ២០០៥។ ៧ឆ្នាំ ជាមួយបិសាចក្រហម Park ចូលលេងបាន ១៣៤ប្រកួត និងរកគ្រាប់បាល់បាន ១៩គ្រាប់ក្នុងនាមជាខ្សែបម្រើ។
ក្រោយចាកចេញពី Man UTD អតីតខ្សែបម្រើជម្រើសជាតិខាងត្បូងបានចំណាយរយៈពេល ២ឆ្នាំទៀតជាមួយក្លិបអង់គ្លេស Queens Park Rangers (QPR) មុនត្រឡប់មកលេងនៅ PSV វិញ និងសម្រេចចិត្តបញ្ចប់អាជីពចូលនិវត្តន៍នៅទីនោះតែម្ដងក្នុងឆ្នាំ២០១៤។
ជាមួយក្រុមជម្រើសជាតិកូរ៉េខាងត្បូង Park ធ្លាប់ជាប់យុវជន U-20, U-23 និងក្រុមធំដោយចូលលេងបាន ១០០ប្រកួត និងរកគ្រាប់បាល់បាន ១៣គ្រាប់៕
ចង់ដឹងថា Park Ji-Sung លេងល្អប៉ុណ្ណានោះ ទៅទស្សនាវីដេអូខាងក្រោមទាំងអស់គ្នា!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]