អេស្ប៉ាញ៖ កីឡាករខ្សែប្រយុទ្ធ Alvaro Morata នឹងចូលរួមជាផ្លូវការជាមួយ AT Madrid នៅរដូវកាលក្រោយ គឺនឹងចុះហត្ថលេខាកុងត្រានាថ្ងៃទី០១ ខែកក្កដា ឆ្នាំ២០២០ ជាមួយតម្លៃខ្លួន ៦៥លានអឺរ៉ូ (៥៨.៣លានផោន) ពី Chelsea ខណៈនៅរដូវកាលខាងមុខនេះខ្សែប្រយុទ្ធសញ្ជាតិអេស៉្បាញនឹងបន្តលេងឲ្យ AT Madrid ក្រោមលក្ខខណ្ឌខ្ចីជើង។
កីឡាករវ័យ ២៦ឆ្នាំ Morata អាចរកគ្រាប់បាល់បាន ៦គ្រាប់ក្នុងការបង្ហាញខ្លួនលើវាលស្មៅបាន ១៧ប្រកួតឲ្យក្លិបដែលដឹកនាំដោយលោក Diego Simone Atletico Madrid កាលពីរដូវកាលមុនជាមួយលក្ខខណ្ឌខ្ចីជើងកន្លះរដូវកាល កាលពីខែមករា។
ជាមួយនឹងការចាកចេញរបស់ខ្សែប្រយុទ្ធមុខរូបស្រស់នេះដែរ គេហទំព័រផ្លូវការរបស់តៀខៀវ Chelsea ក៏បានបង្ហោះសារដោយសសេរថា “ពួកយើងសូមអរគុណដល់ Alvaro Morata សម្រាប់ការខិតខំរបស់គាត់កន្លងមក និងសូមជូនពរឲ្យគាត់ទទួលបានជោគជ័យនាពេលអនាគត”។
“សប្បាយរីករាយណាស់! ផ្លូវការការហើយ! ពេលនេះខ្ញុំនឹងអាចត្រឡប់ទៅធ្វើការជាមួយការរកគ្រាបបាល់សម្រាប់ក្លិប និងអ្នកគាំទ្រ។ អរគុណ” សាររបស់ Morata បង្ហោះនៅក្នុងគណនី Twitter ផ្លូវការរបស់ខ្លួនជាភាសាអេស្ប៉ាញ។
គួររំលឹកឡើងវិញដែរថា Morata បានមកចូលរួមជាមួយ Chelsea នាកំឡុងឆ្នាំ២០១៧ ក្រោយផ្ទេរមកពីក្លិប Real Madrid ជាមួយតម្លៃខ្លួន ៥៨លានផោន។ នៅលើទឹកដីអង់គ្លេស Morata ចូលលេងបាន ៧២ប្រកួត និងរកគ្រាប់បាល់បាន ២៤គ្រាប់៕
ប្រភព៖ Sky Sports
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]