ភ្នំពេញ៖ ជឿជាក់ថា មានប្រិយមិត្តជាច្រើន ប្រាកដជាបានស្គាល់រួចមកហើយ ពីតារាចម្រៀងប្រុសពោះម៉ាយរូបសង្ហា ជ្រកក្រោមទ្រនំផលិតកម្មរស្មីហង្សមាស លោក ហ្សូណូ ដែលបច្ចុប្បន្នរូបលោកកើបបាននូវប្រជាប្រិយភាពយ៉ាងខ្លាំង ពីសំណាក់មហាជន អ្នកគាំទ្រ តាមរយៈការចេញបទចម្រៀងពីរោះជាច្រើនបទជាបន្តបន្ទាប់។
ជាការពិតណាស់ តារាចម្រៀងប្រុសមុខមាំ សម្បុរស្រអែម មិនសូវមាត់.ករូបនេះ តែងត្រូវបានមហាជនកត់សម្គាល់ឃើញថា សន្ទុះទីផ្សារសិល្បៈរបស់លោកនាពេលបច្ចុប្បន្ន ហាក់លូតលាស់ជាលំដាប់ ស្របពេលដែលមុខជំនួញជាថៅកែហាងលក់សម្លៀកបំពាក់របស់លោកទៀតសោត ក៏កំពុងតែជោគជ័យខ្លាំងដូចគ្នា។
ជាមួយគ្នានេះដែរ ស្របពេលដែលលោក ហ្សូណូ កំពុងតែទទួលបានប្រជាប្រិយភាពខ្លាំងនោះ គេក៏តែងសង្កេតឃើញដែរថា ស្ទាយ៍តុបតែងខ្លួនរបស់លោក មើលទៅគឺពិតជាទាក់ទាញខ្លាំង មិនថារាល់ពេលលោកបង្ហាញវត្តមានក្នុងកម្មវិធីប្រគំតន្រ្តី ឬសកម្មភាពប្រចាំថ្ងៃនោះទេ ឃើញថាទាំងរូបរាង និងការលេងខ្លួន គឺពិតជាស្រស់សង្ហាសមសួន មិនចាញ់ទៅនឹងតារាប្រុសវ័យៗក្មេង ឬវ័យស្របាលនឹងលោកនោះឡើយ បើទោះបីជាបច្ចុប្បន្នលោកមានវ័យរាងជ្រេបន្តិចក្តី។
គួរឲ្យដឹងផងដែរថា បច្ចុប្បន្នតារាចម្រៀងប្រុសសំឡេងស្រាល លោក ហ្សូណូ ម្ចាស់បទ «គេមិនស្រលាញ់យើងទេ» រូបនេះ មានវ័យជិត៤០ឆ្នាំទៅហើយ ប៉ុន្តែលោកក៏នៅតែអាចថែរក្សារូបរាង និងសម្រស់របស់ខ្លួន បានយ៉ាងស្អាតសង្ហាដដែរ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]