កូរ៉េខាងត្បូង៖ ដូចដែលអ្នកគ្រប់គ្នា បានដឹងរួចមកហើយថា Song Hye Kyo និង Song JoongKi ទើបតែប្រកាស ពីការលែងលះរបស់ពួកគេ កាលពីពេលថ្មីៗកន្លងទៅនេះ។
បន្ទាប់ពីមានការលេចលឺ នៅព័ត៌មានលែងលះមកបានធ្វើឲ្យប៉ះពាល់ ដល់បញ្ហាផ្លូវចិត្តនាងយ៉ាងខ្លាំង ហើយរយៈពេលជិតមួយសប្តាហ៍មកនេះ នាងបានបដិសេធទទួលនៅរាល់កម្មវិធីផ្សេងៗទាំងអស់។
ក៏ប៉ុន្តែកាលពីពេលថ្មីៗនេះ បានលេចលឺដំណឹងថា Song Hye Kyo នឹងត្រៀមបង្ហាញខ្លួនជាថ្មី ក្នុងកម្មវិធីផ្សព្វផ្សាយផលិតផលគ្រឿងសម្អាងម៉ាក Sulwhasoo នៅប្រទេសចិន ដែលជាការបង្ហាញខ្លួនលើកដំបូង បន្ទាប់ពីដំណឹងលែងលះបានផ្សព្វផ្សាយ ។ ខាងក្រុមហ៊ុនផលិតផល Sulwhasoo បានប្រកាសតាមប្រព័ន្ធWeibo របស់ពួកគេថាHye Kyo នឹងមានវត្តមានក្នុងកម្មវិធីរបស់ពួកយើង នៅថ្ងៃទី០៦ ខែកក្កដា ខាងមុខនេះ។
អ្នកតំណាងក្រមហ៊ុន Sulwhasoo China បានលើកឡើងថា«Song Hye Kyo នឹងចូលរួមក្នុងកម្មវិធីរបស់ពួកយើង ដោយមិនមានការផ្លាស់ប្តូរអ្វីនោះទេ។ ក៏ប៉ុន្តែពេលនេះពួកយើងមិនទាន់អាចបញ្ជាក់ ពីពេលវេលានិងទីតាំងពិតប្រាកដបាននៅ នៅឡើយនោះទេ»។
គួរបញ្ជាក់ផងដែរថា Song Hye Kyo បានក្លាយជាអ្នកតំណាងឲ្យផលិតផល សម្អាងម៉ាកSulwhasoo តាំងពីខែធ្នូ ឆ្នាំ២០១៧មកម្ល៉េះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]