ចេះតែឆ្ងល់ថាមិនសូវឃើញមុខ តាមពិត ជីជី ទៅសំងំហាត់កីឡាតៃក្វាន់ដូ ទុកការពារខ្លួនសោះ!

ភ្នំពេញ៖ ដូចដែលប្រិយមិត្តបានជ្រាបហើយថា តារាស្រីសាច់សខ្ចី កញ្ញា ជីជី ដែលជាពិធីការិនី ដែលមានសម្លេងយ៉ាងក្រអួនក្រអៅ ដ៏មានប្រជាប្រិយភាពទទួលបានការគាំទ្រខ្លាំងទៅលើអាជីពរបស់ខ្លួន នាពេលកន្លងមកនោះ ក៏ទទួលបានភាពជោគជ័យទៅលើមុខជំនួញរបស់ខ្លួន ផងដែរ។

ជាមួយគ្នានេះដែរ តារាសម្ដែងស្រី កញ្ញា ជី ជី ក្នុងមួយរយៈពេលធំនេះ គេសង្កេតឃើញថាមានភាពមមាញឹកក្នុងការរកស៊ីរបស់ខ្លួន ខ្លាំងស្ទើរតែដកខ្លួន មិនរួច ព្រមទាំងបានចាកឆ្ងាយពីវិថីសិល្បៈផងដែរ។

ក្នុងនោះផងដែរ អ្វីដែលមានការចាប់អារម្មណ៍ជាងនេះទៅទៀតនោះគឺ ពិធីការិនីដ៏មានប្រជាប្រិយភាពកញ្ញា ជី ជី​ រូបនេះបែរជាលេចមុខទៅកន្លែងហាត់កីឡាតៃក្វាន់ដូ ទៅវិញ ទាំងដែលនាង មានភាពមមាញឹកជាមួយការងាររកស៊ី របស់ខ្លួន យ៉ាងខ្លាំង។

គួររម្លឹកផងដែរថា នេះមិនមែនជាលើកជាទីមួយនោះទេ ដែលតារាស្រីមានសម្រស់ស្អាត កញ្ញា ជី ជី វិញចូលត្រឡប់ទៅហាត់ តៃក្វាន់ដូ បែបនេះ ព្រោះថាកាលពីមុននាង ក៏ធ្លាប់ហាត់ផងដែរ តែដោយសារតែមានភាពមមាញឹកជាមួយនឹងការងារសិល្បៈនោះ ទើបត្រូវសម្រេចចិត្តផ្អាកមួយរយៈពេលសិន។ ហើយការហាត់នេះដែរ ក៏ដើម្បីសុខភាព និងទុកការពារខ្លួន ពីសត្រូវផងដែរ៕

តោះទៅទស្សនារូបភាពទាំងអស់គ្នា៖

• ជីជី
• រូបភាព
• តារាខ្មែរ