បរទេស៖ គ្រូបង្វឹកសញ្ជាតិអេស្ប៉ាញលោក Pep Guardiola គឺជាគ្រូបង្វឹកដែលជោគជ័យមួយរូបនៅក្នុងអាជីពជាគ្រូបង្វឹក ដោយក្លិបដែលលោកដឹកនាំទាំងអស់គ្មានក្លិបមួយណាទេដែលថាមិនឈ្នះពាន។ Pep ចាប់ផ្ដើមអាជីពជាគ្រូបង្វឹកក្នុងឆ្នាំ២០០៧ ជាមួយក្រុម Barcelona B មុននឹងត្រូវឡើងមកកាន់ការងារក្នុងក្រុមធំនាឆ្នាំ២០០៨។ ចំណាយរយៈពេល៤ឆ្នាំនៅ Barcelona លោក Pep បានសម្រេចចិត្តមកចូលរួមជាមួយ Bayern Munich ក្នុងឆ្នាំ២០១៣ និងចុងក្រោយបង្អស់នៅឆ្នាំ២០១៦ លោកបានពនេចរមកកាន់ទឹកដីអង់គ្លេសជាមួយ Manchester City ដែលទើបតែជួយឲ្យក្លិបមួយនេះក្លាយជាម្ចាស់ជើងឯក Premier League កាលពីរដូវកាលមុន។
ងាកមកមើល កាលនៅជាកីឡាករវិញ Pep លេងតួនាទីជាខ្សែបម្រើការពារ និងធ្លាប់លេងឲ្យក្លិប Barcelona C, Barcelona B, Barcelona, Brescia, Roma Al-Ahli និងចុងក្រោយបំផុតមុនចូលនិវត្តន៍គឺក្លិប Dorados របស់ម៉ិចស៊ិចកូ។ ក្នុងនាមជាកីឡាកររយៈពេល១៨ឆ្នាំ (១៩៨៨-២០០៦) ជាមួយក្លិបទាំងនោះ Pep បង្ហាញខ្លួននៅលើទីលានបាន ៣៩៨ប្រកួត និងទាត់ចូល២១គ្រាប់។ ចំណែកឯជាមួយក្រុមជម្រើសជាតិអេស៉្បាញវិញ Pep ធ្លាប់ជាប់ U21, U23 និងឈុតធំ បង្ហាញខ្លួនបាន៦១ប្រកួត និងទាត់ចូល៧គ្រាប់ ក្នុងជម្រើសជាតិទាំង៣ឈុតនេះ។
ចង់ដឹងថាគ្រាប់បាល់ដែល Pep ទាត់ចូលយ៉ាងនោះ ទៅតាមដានទស្សនាវីដេអូទាំងអស់គ្នា!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]