កូរ៉េខាងត្បូង៖ បន្ទាប់ពីទន្ទឹងរងចាំអស់រយៈពេលជាច្រើនខែមក ទីបំផុតកាលពីថ្ងៃទី១៩ ខែមិថុនា ម្សិលមិញនេះ ក្រុមចម្រៀងនារីកំពុងមានប្រជាប្រិយភាព Red Velvet បានបញ្ចេញនូវ MV បទចម្រៀងថ្មីជាផ្លូវការរបស់ខ្លួនហើយ ដែលចំណងជើងថា «Zimzalabim» ។
ជាមួយគ្នានេះដែរ Red Velvet ក៏បានបើកនូវកម្មវិធី Showcase ដើម្បីជាការបើកបង្ហាញនូវបទចម្រៀងថ្មីរបស់ខ្លួនជាផ្លូវការ នៅចំពោះមុខសន្និសិទកាសែតសារព័ត៌មានជាច្រើនផងដែរ។ ដោយឡែក ទោះជាយ៉ាងណា នៅក្នុងការសម្តែង Showcase ដំបូងនេះផងដែរ ក៏មានបណ្តាអ្នកនិយមលេងអ៊ីនធឺណែតជាច្រើន មានការចាប់អារម្មណ៍ជាពិសេសទៅលើ ស្ទាយ៍តុបតែងសម្លៀកបំពាក់របស់ក្រុមស្រីស្រស់ទាំង៥ដួងនេះ ដែលធ្វើឲ្យមហាជនជាច្រើន បានបញ្ចេញប្រតិកម្មផ្សេងៗគ្នា។
ជាក់ស្តែង ក្នុងនោះមានប្រិយមិត្តមួយចំនួន បានសម្តែងការមិនពេញចិត្តប៉ុន្មាននោះទេ ចំពោះStylish អ្នកទទួលខុសត្រូវខាងផ្នែករៀបចំសម្លៀកបំពាក់ឲ្យក្រុម Red Velvet នៅថ្ងៃShowcase នេះ ដែលធ្វើឲ្យលុបបាត់នូវរូបរាង និងភាពស្រស់ស្អាតភ្លឺចែងចាំង ពីធម្មជាតិរបស់ពួកគេតែម្តង។
ហើយក្នុងនោះ ក៏មានបណ្តាមានអ្នកនិយមលេងអ៊ីនធឺណែតមួយចំនួនផ្សេងទៀត បានលាន់មាត់ថា៖ «តើពួកគេកំពុងធ្វើអ្វីលើ Irene ហ្នឹង...» «សម្លៀកបំពាក់ទាំងនេះ បង្ហាញតែផ្នែកអវិជ្ជមាននៃរាយកាយរបស់ពួកគេតែប៉ុណ្ណោះ។» «អ្នករចនាម៉ូតពិតជាពិបាកយល់មែន តើនេះជាអ្វីហ្នឹង?»
យ៉ាងណាមិញ មានមតិជាច្រើនបានលើកឡើងដូចៗគ្នាថា សម្លៀកបំពាក់ទាំងនេះ ពិតជាមិនសូវសាកសមជាមួយនឹងក្រុម Red Velvet ឡើយ ពីព្រោះវាមានភាពរញ៉េរញ៉ៃស៊ាំញុំា មិនបានធ្វើឲ្យសម្រស់របស់ស្រីស្អាតទាំង៥ដួងនេះ មានភាពស្រស់ស្អាតលេចធ្លោបន្តិចឡើយ។ ហើយពួកគេក៏សង្ឃឹមថា ខាងអ្នករចនាម៉ូត Stylish នឹងរៀបចំសម្លៀកបំពាក់បានឲ្យស្រស់ស្អាតនិងសាកសមជាងនេះ សម្រាប់ Idol របស់ពួកគេផងដែរ៕
ចុះប្រិយមិត្តវិញ យល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]