ថៃ៖ តារាសម្តែងប្រុសសម្បុរស្រអែមលោក Phet Thakrit ដែលកាលពីពេលថ្មីៗនេះបានប្រកាសឲ្យគ្រប់គ្នាបានដឹងថា លោកកំពុងតែមានទំនាក់ទំនងជាតារាសម្តែងស្រី Mind Tarika។ ប៉ុន្តែក្រោយពីបានដឹងថាពួកគេទាំងពីរទាក់ទងគ្នា ស្រាប់តែអ្នកគាំទ្រមានការព្រួយបារម្ភពីMindទៅវិញ ព្រោះមានមិត្តប្រុសដែលធ្លាប់ជាព្រាននារីពីមុនមក។
ទន្ទឹងនឹងនេះផងដែរ Phetបានចេញមុខបកស្រាយថាខ្លួនមិនមែនជាព្រាននារីនោះទេ។ ដោយតារាប្រុសរូបនេះរៀបរាប់យ៉ាងលម្អិតថា៖
«មុនពេលដែលយករឿងនេះមកប្រកាសជាសាធារណៈ គឺយើងបានពិភាក្សាគ្នាជាមុនរួចហើយ ព្រោះពេលដែលយើងធ្វើបែបនេះត្រូវផ្តល់កិត្តិយសដល់អូនMind និងម៉ាក់ប៉ារបស់គាត់ដូចគ្នា។ មានមនុស្សជាច្រើននិយាយថា ខ្ញុំពីមុនជាមនុស្សមិនសូវចេះគិត តែតាមពិតទៅខ្ញុំមិនមែនជាមនុស្សបែបនេះទេ។
ខ្ញុំមិនមែនជាព្រាននារីទេ តែដោយសារតែពេលនោះខ្ញុំនៅទំនេរ មិនទាន់មានសង្សារ ហើយក៏តាមរកមនុស្សដែលត្រូវនឹងយើងតែប៉ុណ្ណោះ ទើបគ្រប់គ្នាឃើញថាខ្ញុំមានសង្សារច្រើន។ ចាប់តាំងពីស្រលាញ់គ្នាជាមួយMind ខ្ញុំច្បាស់លាស់នឹងនាង ហើយខំផ្លាស់ប្តូរខ្លួនឯងឲ្យកាន់តែល្អពីមួយថ្ងៃទៅមួយថ្ងៃ ព្រោះខ្ញុំមិនចង់ឲ្យនាងអស់សង្ឃឹមដែលខំទុកចិត្តខ្ញុំនោះទេ។ ទទួលស្គាល់ថាអ្នកណាក៏ធ្លាប់មានអតីតកាលដែរ តែអ្វីដែលសំខាន់គឺរឿងបច្ចុប្បន្ន។
Mind ជាមនុស្សស្រីដែលគួរឲ្យស្រលាញ់ ចរិតល្អ មានគំនិតចាស់ទុំ និងគិតបានវែងឆ្ងាយ។ នាងតែងតែផ្តល់កម្លាំងចិត្ត និងជាអ្នកប្រឹក្សាដ៏ល្អសម្រាប់ខ្ញុំ ទាំងអស់នេះហើយជាចំណុចដែលធ្វើឲ្យខ្ញុំស្រលាញ់នាង»។
ក្រោយពីPhet រៀបរាប់បែបនេះ អ្នកគាំទ្រសប្បាយចិត្តជាខ្លាំង ដោយលោកបានព្យយាមកែប្រែអតីតកាលខ្លួនឯង ដើម្បីមនុស្សដែលខ្លួនស្រលាញ់បែបនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]