ទេព កញ្ញា លេងខ្លួនយ៉ាងស្អាត ឡើងផ្ទះថ្មី តម្លៃជាង១០ម៉ឺនដុល្លារ!

ភ្នំពេញ៖ ក្រៅពីមានរូបសម្រស់ស្រស់ស្អាត តារាសម្តែងវ័យក្មេង កញ្ញាទេព កញ្ញា ក៏មានសមត្ថភាពល្អនៅក្នុងការសម្តែងបានល្អ ដែលធ្វើឲ្យផលិតករជាច្រើនពេញចិត្ត ហៅថត ធ្វើឲ្យមានការមមាញឹកយ៉ាងខ្លាំងនៅក្នុងការងារ រកពេលសម្រាកមិនចង់បាន។

ជាក់ស្តែងកាលពីពេលថ្មីៗនេះ ក៏ទទួលដំណឹងល្អ តារាស្រីរូបនេះបានធ្វើការជប់លៀង ប្រារព្ធពិធីឡើងគេហដ្ឋានថ្មីតម្លៃជាង១០ម៉ឺនដុល្លាររបស់ខ្លួនយ៉ាងអធិកអធម គួរឲ្យចាប់អារម្មណ៍យ៉ាងខ្លាំង ស្របពេលដែលមានភ្ញៀវកិត្តិយសជាច្រើនបានចូលរួមយ៉ាងច្រើនតែម្តង។

ទន្ទឹមនឹងថ្ងៃដ៏ពិសេសនេះដែរ តារារូបនេះ និងគ្រួសារបានធ្វើការតែងខ្លួនយ៉ាងស្រស់ស្អាត នៅក្នុងឈុតប្រពៃណីស្រស់ស្អាត យ៉ាងគួរឲ្យសរសើរតែម្តង។ រីឯពេលយប់វិញក៏កាន់តែស្អាត ជាមួយនឹងឈុតរ៉ូបពណ៌ក្រហម មើលទៅពិតជាប្លែកភ្នែក។

លើសពីនេះទៅទៀត បណ្តាអ្នកគាំទ្រជាច្រើនក៏បាននាំគ្នាចូលរួមអបអរដល់នាង និងគ្រួសារ នៅក្នុងជោគជ័យសិរីមង្គល ឡើងគេហដ្ឋានថ្មីនេះផងដែរ៕

សូមទស្សនារូបភាពខាងក្រោមនេះ៖

• ទេព កញ្ញា
• តារាខ្មែរ