រាជធានីភ្នំពេញ ៖ ចោរប្លន់ប្រដាប់អាវុធ មួយក្រុមបានធ្វើសកម្មភាពចូលទៅភ្ជង់ និងវាយក្បាលក្មេងប្រុសម្នាក់ប្លន់យកម៉ូតូដល់ក្នុងផ្ទះបណ្តាលឱ្យក្មេងប្រុសរូបនោះរងរបួសយ៉ាងដំណំឯក្រុមចោរបានយកម៉ូតូជិះគេចខ្លួនទៅបាត់ដោយសុវត្ថិភាព ហើយបង្កឱ្យមានការភ្ញាក់ផ្អើលទាំងព្រឹកទៀតផង ។ ហេតុុការណ៍នោះបានកើតឡើងកាលពីវេលាម៉ោង៨ និង១០នាទីព្រឹកថ្ងៃទី២១ មីនា ឆ្នាំ២០១២ នៅចំណុចផ្ទះជាងផ្សារដែក ដែលមានទីតាំងស្ថិតក្នុងភូមិប៉ប្រក ខាងត្បូង សង្កាត់កាកាប ខណ្ឌពោធិ៍សែនជ័យ ។
ក្មេងប្រុសរងគ្រោះដែលត្រូវក្រុមចោរប្លន់វាយក្បាលនឹងស្នាប់កាំភ្លើងខ្លីបែកក្បាលនោះឈ្មោះសុខ ផល្លា អាយុ១៦ឆ្នាំ ជាកម្មករផ្សារដែក មានស្រុកកំណើតភូមិឃ្លាំង ឃុំពោធិ៍រាជ ស្រុកស្វាយជ្រុំ ខេត្តស្វាយរៀង ។ ឯម៉ូតូដែលត្រូវចោរប្លន់យកទៅបាត់នោះ ម៉ាកឌ្រីមC125 ស៊េរីឆ្នាំ២០១១ ពណ៌ខ្មៅ ជាកម្មសិទ្ធិរបស់បុរសឈ្មោះថឺម សំបូរ ជាមន្ត្រីយោធា មានទីលំនៅសង្កាត់ជ្រោយចង្វា ខណ្ឌប្ញស្សីកែវ ដែលបានយកម៉ូតូទៅផ្ញើនៅផ្ទះជាងដែកខាងលើ ។ ចំណែកម្ចាស់ផ្ទះកើតហេតុនោះឈ្មោះម៉ុក រិទ្ធារ័ត្ន ភេទប្រុស អាយុ៣២ឆ្នាំ មានស្រុកកំណើតភូមិអញ្ចាញ ឃុំពោធិ៍រាជ ស្រុកស្វាយជ្រុំ ខេត្តស្វាយរៀង ។
ដោយឡែក ក្រុមចោរប្លន់មានគ្នាពីរនាក់ ប្រដាប់ដោយអាវុធខ្លី មិនស្គាល់ម៉ាក១ដើម និងជិះម៉ូតូ១គ្រឿង ហើយក្រោយពេលប្លន់បានសម្រេចពួកវាបានជិះគេចខ្លួនទៅបាត់ដោយសវុត្ថិភាព ៕
ណា កោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]