អាមេរិក៖ តារាសម្តែងមុខស្រស់ Chris Pratt និងអ្នកនាង Katherine Schwarzenegger បានប្រកាសពីអាពាហ៍ពិពាហ៍របស់ខ្លួននៅលើបណ្តាញសង្គម Instagram កាលពីថ្ងៃអាទិត្យកន្លងទៅនេះ។
យោងតាមប្រភពបានឱ្យដឹងថា នៅលើគណនី Instagram ផ្លូវការរបស់លោក Chris Pratt បានរៀបរាប់ថា៖
«កាលពីមិ្សលមិញនេះគឺជាពេលវេលាដ៏ល្អបំផុតក្នុងឆាកជីវិតរបស់ពួកយើង។ យើងក្លាយជាប្តីប្រពន្ធនៅចំពោះមុខព្រះជាម្ចាស់ ក្រុមគ្រួសាររបស់យើងនិងអ្នកដែលស្រលាញ់យើង។»
គូស្នេហ៍មួយគូនេះចាប់ផ្តើមមានទំនាក់ទំនងស្នេហាជាមួយគ្នាកាលពីរដូវក្តៅឆ្នាំ២០១៨មកបាននិយាយថា អាពាហ៍ពិពាហ៍របស់គេពិតជាពោរពេញទៅដោយភាពស្និទ្ធស្នាលខ្លាំងទើបពួកគេរៀបការជាមួយគ្នាឆាប់បែបនេះ។
គួរឱ្យដឹងផងដែរថា លោក Chris Pratt និងអ្នកនាង Katherine Schwarzenegger បានរៀបការជាមួយគ្នាជាផ្លូវការនៅក្នុងតំបន់កូនភ្នំ Montecito ក្នុងរដ្ឋកាលីហ្វញ៉ាកាលពីថ្ងៃសៅរ៍កន្លងទៅនេះ ដោយមានការចូលរួមពីក្រុមគ្រួសារនិងមិត្តភក្តិសងខាង ក្នុងនោះក៏មានការចូលរួមដោយលោក Arnold Schwarzenegger ដែលជាឪពុកបង្កើតរបស់អ្នកនាង Katherine Schwarzenegger ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]