ចូលរួមអបអរ សួស វីហ្សា និងថមមី ភ្ជាប់ពាក្យព្រឹកនេះ!

ភ្នំពេញ៖ ក្រោយបានឆ្លងកាត់ពេលវេលាជាច្រើនជាមួយគ្នា តារាចម្រៀងស្រី កញ្ញាសួស វីហ្សា និងលោកថមមី បានសម្រេចចិត្តចូលរោងភ្ជាប់ពាក្យនៅក្នុងថ្ងៃនេះ ដើម្បីរឹតចំណងស្នេហាពួកគេកាន់តែខ្លាំងឡើង។

ដំណឹងមួយនេះបានធ្វើឲ្យបណ្តា អ្នកគាំទ្រជាច្រើនពិតជារំភើបយ៉ាងខ្លាំង ក្រោយស្ងាត់ៗនាង និងគូស្នេហ៍ បានសម្រេចភ្ជាប់ពាក្យនៅក្នុងថ្ងៃនេះ ខណៈពេលដែលមិនធ្លាប់បង្ហើបពីថ្ងៃជោគជ័យរបស់ខ្លួនពីមុនមក។

មិនត្រឹមតែប៉ុណ្ណោះនៅក្នុងថ្ងៃពិសេសមួយនេះ នាងក៏បានធ្វើការតុបតែងខ្លួនយ៉ាងស្រស់ស្អាតបំផុត នៅក្នុងសម្លៀកបំពាក់បែបបុរាណ ក្រោយមានការលេចធ្លាយរូបភាពមួយចំនួននៅក្នុងព្រឹកនេះ ស្របពេលដែលពិធីកំពុងតែធ្វើឡើងយ៉ាងអធិកអធមមានភ្ញៀវកិត្តិយសជាច្រើនចូលរួម។

បន្ថែមពីនេះទៅទៀតអ្នកគាំទ្រពិតជារំភើបនៅក្នុងចិត្ត និងបានចូលរួមអបអរដល់ពួកគេ ដែលបានតស៊ូស្រលាញ់គ្នាអស់ពេលជាច្រើនឆ្នាំ ពេលនេះក៏មានដំណឹងល្អយ៉ាងដូច្នោះ៕

សូមទស្សនារូបភាពខាងក្រោមនេះ៖ 

• សួស វីហ្សា
• តារាខ្មែរ