ឥណ្ឌូនេស៊ី៖ នៅថ្ងៃនេះ ក្រុមហ៊ុនអាកាសចរណ៍ជំនាន់ថ្មី Vietjet បានចាប់ផ្តើមដំណើរការការហោះហើរលើផ្លូវថ្មីដោយផ្ទាល់ថ្មីចុងក្រោយគេបំផុតរបស់ខ្លួន រវាងទីក្រុងហូជីមិញ និងកោះបាលី ដើម្បីភ្ជាប់ទីក្រុងដ៏ធំបំផុតរបស់វៀតណាមជាមួយនឹងតំបន់ទេសចរណ៍ដ៏ល្បីល្បាញបំផុតក្នុងពិភពលោក ខណៈការបើកជើងមេឃថ្មីនេះបានកើតឡើងចំពេលដែលត្រូវអបអរការឈានដល់រដូវក្តៅ។
ចូលរួមធ្វើជាអធិបតីភាពក្នុងពិធីបើកសម្ពោធការហោះហើរនេះក្នុងទីក្រុងបាលី រួមមាន លោកស្រី Rizky Handayani អនុរដ្ឋមន្ត្រីក្រសួងទេសចរណ៍របស់សាធារណរដ្ឋឥណ្ឌូនេស៊ី លោក Ibnu Hadi អគ្គរដ្ឋទូតឥណ្ឌូនេស៊ីប្រចាំវៀតណាម ឯកអគ្គរដ្ឋទូតអាស៊ាន និងអគ្គកុលស៊ុលនៅវៀតណាម រួមជាមួយនឹងមន្ត្រីតំណាងឲ្យអាជ្ញាធរឥណ្ឌូនេស៊ីជាច្រើនផ្សេងទៀត ក៏ដូចជាដៃគូ និងភ្នាក់ងារធ្វើដំណើររបស់ក្រុមហ៊ុន Vietjet នៅប្រទេសឥណ្ឌូនេស៊ី។
ថ្លែងក្នុងពិធីបើកសម្ពោធផ្លូវហោះហើរជាផ្លូវការនេះ លោក Do Xuan Quang អនុប្រធានរបស់ក្រុមហ៊ុន Vietjet បានឲ្យដឹងថា៖
«យើងពិតជារំភើបរីករាយណាស់ ក្នុងការក្លាយជាក្រុមហ៊ុនអាកាសចរណ៍ដំបូងគេ និងតែមួយដែលប្រតិបត្តិសេវាហោះហើរដោយផ្ទាល់ភ្លាប់រវាងទីក្រុងហូជីមិញ និងកោះបាលី ដើម្បីចូលរួមចែករំលែកលើកកម្ពស់វិស័យទេសចរណ៍ និងពាណិជ្ជកម្មទូតាំងតំបន់នេះ។ ជាមួយនឹងការមានផ្លូវហោះហើរដោយផ្ទាល់នេះ បច្ចុប្បន្នអ្នកដំណើរទាំងអស់មកពីប្រទេសវៀតណាម អាចសន្សំសំចៃពេលវេលា និងប្រាក់កាក់កាន់តែច្រើ នៅពេលដែលធ្វើដំណើរទៅកាន់កោះបាលី ដោយមិនចាំបាច់ប្តូរជើងហោះហើរនៅឯអាកាសយានដ្ឋានផ្សេងទៀតឡើយ ហើយម្យ៉ាងវិញទៀតពលរដ្ឋក្នុងស្រុក និងអ្នកធ្វើដំណើរមកពីកោះបាលី ចាប់ពេលនេះអាចស្វែងរកភាពរំភើប និងប្រណិតភាពក្នុងទីក្រុងហូជីមិញយ៉ាងងាយស្រួល ក៏ដូចជាធ្វើដំណើរទៅកាន់តំបន់ទេសចរណ៍ដ៏ល្បីល្បាញជាច្រើនផ្សេងទៀតក្នុងប្រទេសវៀតណាម និងទូទាំងតំបន់នេះ ដោយសារតែបណ្តាញហោះហើរដ៏ទូលំទូលាយ និងមានការពង្រីកឥតឈប់ឈររបស់ Vietjet។ ជាមួយនឹងការប្រជុំដោយយន្តហោះថ្មីៗ និងទំនើបរបស់យើងរួមជាមួយនឹងបុគ្គលិកហោះហើរចម្រុះជាតិសាសន៍ សំបុត្រហោះហើរជាច្រើនកម្រិតផ្សេងៗគ្នា ការផ្តល់ជូនប្រមូសិនដ៏ទាក់ទាញជាច្រើន និងការបម្រើជូនអាហារក្តៅៗដ៏ឆ្ងាញ់ពិសារ យើងនឹងបន្តទាក់ទាញអ្នកដំណើរជាច្រើនបន្ថែមទៀត។ អ្នកដំណើរទាំងនោះ និងមានការចាប់អារម្មណ៍ខ្លាំងទៅលើសេវាកម្មរបស់យើង និងកម្មវិធីកម្សាន្តផ្សេងៗតាមរយៈសកម្មភាពក្នុងពេលហោះហើរដ៏រំភើបរបស់យើង»។
លោកស្រី Rizky Handayani អនុរដ្ឋមន្ត្រីក្រសួងទេសចរណ៍របស់សាធារណរដ្ឋឥណ្ឌូនេស៊ី បានចូលរួមអបអរដល់ Vietjet ចំពោះការដំណើរការផ្លូវហោះហើរថ្មីនេះ។ លោកស្រី Handayani មានប្រសាសន៍ថា៖
«ខ្ញុំសូមអបអរសាទរដល់ Vietjet ចំពោះការបើកផ្លូវហោះហើរថ្មីនេះពីទីក្រុងហូជីមិញ ទៅកាន់ទីក្រុង Denpasar នៅថ្ងៃនេះ។ ការវិវឌ្ឍនេះ ត្រូវបានចាត់ទុកថា ជាការចាប់ផ្តើមដ៏ល្អមួយសម្រាប់ Vietjet ក្នុងការផ្សារភ្ជាប់តំបន់ទេសចរណ៍កាន់តែច្រើនបន្ថែមទៀតរបស់វៀតណាម ទៅកាន់តំបន់ទេសចរណ៍ជាច្រើនផ្សេងទៀត នៅឥណ្ឌូនេស៊ី ក៏ដូចជាក្នុងតំបន់នេះ និងតំបន់ជាច្រើនទៀត។ វៀតណាម និងឥណ្ឌូនេស៊ី មានទំនាក់ទំនងជាប្រណី និងជាយូរមកហើយ និងមានវប្បធម៌ ក៏ដូចជាប្រវត្តិសាស្ត្រស្រដៀងគ្នា ហេតុនេះ ផ្លូវហោះហើរថ្មីនេះ នឹងធ្វើឲ្យទំនាក់ទំនងរបស់យើងកាន់តែល្អប្រសើរជាងមុន និងជួយបង្កើនលំហូរនៃការធ្វើដំណើររវាងប្រទេសទាំង២ ទៅថ្ងៃអនាគត។ យើងសង្ឃឹមថា ចាប់ពីពេលនេះ អ្នកដំណើររវាងទីក្រុងហូជីមិញ និងកោះបាលី អាចរីករាយនឹងតម្លៃហោះហើរទាប កាត់បន្ថយពេលវេលាធ្វើដំណើរ និងទទួលបានការធ្វើប្រកបដោយផាសុខភាព»។
ផ្លូវហោះហើររវាងទីក្រុងហូជីមិញ និងកោះបាលី នឹងប្រតិបត្តិជើងហោះហើរចំនួន៥លើក ក្នុង១សប្តាហ៍ រៀងរាល់ថ្ងៃចន្ទ ពុធ ព្រហស្បតិ៍ សុខ និងថ្ងៃអាទិត្យ ដោយចាប់ផ្តើមពីថ្ងៃទី២៩ ខែឧសភា ឆ្នាំ២០១៩ តទៅ។
បាលី ដែលជាកោះមួយក្នុងចំណោមកោះក៏មានប្រជាប្រិយភាពបំផុតក្នុងប្រទេសឥណ្ឌូនេស៊ី និងក្នុងទ្វីបអាស៊ីនោះ ត្រូវបានគេហៅថា «ជាកោះព្រះ» និងត្រូវបានចាត់ទុកថា «ជាកោះឋានសួគ៌ក្នុងតំបន់ត្រូពិក»។ ជាមួយនឹងការជាប់ឆ្នោតជាកោះមួយក្នុងចំណោមកោះដ៏ស្អាតបំផុតក្នុងពិភពលោក បាលី គឺជាតំបន់ធម្មជាតិដ៏អស្ចារ្យ មានទិដ្ឋភាពដ៏ស្រស់ស្អាត និងជាតំបន់មានវប្បធម៌លក្ខណៈពិសេសតែមួយ។
ដើម្បីបង្កើតឲ្យមានការរំភើបបន្ថែមទៀត ក្រុមហ៊ុន Vietjet ក៏បានបង្កើតយុទ្ធនាការដ៏ពិសេសមួយឈ្មោះថា «ផ្សារភ្ជាប់ក្តីស្រឡាញ់-បង្ហាញទស្សនវិស័យនារដូវក្តៅរបស់អ្នក» ហើយក្នុងយុទ្ធនាការនេះ អ្នកដំណើរអាចស្លៀកសម្លៀកបំពាក់ជាតួថ្លុក (Cosplay) ក្នុងពេលធ្វើដំណើរនៅលើយន្តហោះ Vietjet ចាប់ពីថ្ងៃទី១ ខែមិថុនា ដល់ថ្ងៃទី៣១ ខែកក្កដា ឆ្នាំ២០១៩ ដើម្បីទទួលបានកាដូដ៏ពិសេសមួយ។ អ្នកធ្វើដំណើរទាំងអស់ អាចស្វែងរកសំបុត្រធ្វើដំណើរបែបសន្សំសំចៃដ៏អស្ចារ្យជាច្រើនសន្លឹក អឡុងពេលនៃការផ្តល់ប្រមូសិនប្រចាំថ្ងៃដែលហៅថា «ម៉ោង១២ថ្ងៃត្រង់ វាដល់ពេលហើយសម្រាប់ Vietjet (12pm, it’s time to Vietjet!)»។
សំបុត្រហោះហើររាប់លានសន្លឹក ដែលមានតម្លៃចាប់ពីសូន្យ (០) ដុល្លារអាមេរិក នឹងត្រូវផ្តល់ឲ្យ ចាប់ពីម៉ោង១២ថ្ងៃត្រង់ ដល់ម៉ោង២រសៀល (UTC+7) នៅលើគេហទំព័រ www.vietjetair.com។ សំបុត្រហោះហើរក្នុងប្រមូសិន នឹងផ្តល់ជូនសម្រាប់រាល់ផ្លូវហោះហើរក្នុងស្រុក និងអន្តរជាតិទាំងអស់៕
(សម្គាល់) មិនរាប់បញ្ចូលតម្លៃពន្ធ និងតម្លៃផ្សេងៗ
សម្រាប់ព័ត៌មានបន្ថែម សូមចូលទៅកាន់:www.vietjetair.com
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]