ខេត្តព្រៃវែង ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោងប្រហែល២១និង៣០នាទីយប់ថ្ងៃទី២២ ខែឧសភានេះ មានករណីរំលោភសម្លាប់លើអនីតិជនម្នាក់នៅចំណុចស្រុកស៊ីធរកណ្ដាល ខេត្តព្រៃវែង ។
សេចក្តីរាយការណ៍បានបន្តថា ជនសង្យ័យឈ្មោះផ្លុង ហុងលី ហៅហុក ភេទប្រុស អាយុ៣៥ឆ្នាំ នៅភូមិឃុំកើតហេតុខាងលើ ។ ចំណែកជនរងគ្រោះអាយុ០៩ឆ្នាំ នៅភូមិឃុំជាមួយគ្នា ។
មុនពេលកើតហេតុ ក្មេងរងគ្រោះបានទៅតាមឈ្មោះផ្លុង ហុងលី ហៅហុក ត្រូវជាឪពុកធំ ដើរទៅឆ្លុះកង្កែប តែមិនឃើញមកផ្ទះវិញឡើយ ទើបម្តាយឪពុកនាងមានការសង្ស័យ លុះដល់ម៉ោង៦និង៤០នាទីព្រឹក ថ្ងៃទី២៣ ខែឧសភានេះ ទើបក្រុមគ្រួសារមករាយការណ៍ដល់សមត្ថកិច្ច ហើយនៅម៉ោង០៩និង៣០នាទី សមត្ថកិច្ច និងប្រជាពលរដ្ឋជាច្រើននាក់បានចុះរាវរកក្នុងទឹក ក៏ឃើញសពស្លាប់នៅក្នុងទឹកស្រះតែម្តង នៅចំណុចវាលខាងកើតវត្តកោងស្រែចម្ងាយ៦០០ម៉ែត្រ ។
ដោយបច្ចុប្បន្ន សមត្ថកិច្ចយើងបានឃាត់ឈ្មោះ ផ្លុង ហុងលី ហៅហុក ទៅអធិការដ្ឋាននគរបាលស្រុកស៊ីធរកណ្តាល ហើយជនសង្ស័យក៏បានសារភាពថា ខ្លួនពិតជាបានចាប់រំលោភ ហើយសម្លាញ់ជនរងគ្រោះពិតមែន ករណីនេះសមត្ថកិច្ចកំពុងកសាងសំណុំរឿងតាមនីតិវិធី និងបញ្ជូនទៅតុលាការផងដែរ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]