គ្មានអ្វីទៀងទាត់ទេ ឃើញស្វីតៗ តែពេលនេះ គូស្នេហ៍ផ្អែមល្ហែមChippy និង Antoine បែរជាមានតម្រុយចែកផ្លូវគ្នា!

ថៃ៖ ប្រិយមិត្តប្រាកដជាស្គាល់គូស្នេហ៍តារាសម្តែងស្រីChippy Sirin និងអ្នកប្រដាល់ល្បីឈ្មោះលោកAntoine Pinto ដែលតែងតែបង្ហាញភាពផ្អែមល្ហែមទៅកាន់គ្នាទៅវិញទៅមក នៅលើបណ្តាញសង្គមជាញឹកញាប់ និងធ្វើឲ្យអ្នកអត់គូលួចច្រណែនមិនតិច។

ប៉ុន្តែមួយរយៈក្រោយនេះ សង្កេតឃើញថាទំនាក់ទំនងពួកគេទាំងពីរដូចជាប្លែក និងមិនសូវឃើញបង្អួតភាពផ្អែមល្ហែមដូចមុនឡើយ ធ្វើឲ្យអ្នកគាំទ្រសង្ស័យពីទំនាក់ទំនងរបស់ពួកគេ។ ជាក់ស្តែងថ្មីៗនេះពួកគេទាំងពីរថែមទាំងបាន Unfollowគ្នាពីក្នុងអ៊ីនស្តារក្រាមទៀតផង។

ជាមួយគ្នានេះដែរ Chippy បានផុសរូបមួយសន្លឹកភ្ជាប់ជាមួយប្រយោគចម្លែកខ្លីមូយថា «បើអ្នកចង់បានយកទៅ ខ្ញុំមិនទុកសម្រាមនៅក្នុងផ្ទះឲ្យមានក្លិនស្អុយទេ»។

យ៉ាងណាមិញ ចំពើរឿងនេះនៅមិនទាន់បានអ្នកណាអាចសន្និដ្ឋានបានទេថា ទំនាក់ទំនងស្នេហា៥ឆ្នាំរបស់ពួកគេត្រូវបានបញ្ចប់ឬក៏យ៉ាងណា ព្រោះមកទល់ពេលនេះនៅមិនទាន់មានភាគីខាងណាចេញមកបកស្រាយឲ្យច្បាស់នោះទេ៕

• តារាថៃ