អ្នកគាំទ្រកើន ចម្រើនលីគ! ខ្មែរឡូត សូមណែនាំក្រុមអ្នកគាំទ្រសកម្ម “ទាំង ៨” នៅលីគកំពូលកម្ពុជា

ភ្នំពេញ៖ វិស័យកីឡាបាល់ទាត់នៅកម្ពុជា បាននឹងកំពុងឈានឡើងម្តងបន្តិចៗ ទៅកាន់ចំណុចដែលអ្នកគាំទ្រទាំងអស់ ព្រមទាំងប្រជាជនកម្ពុជាទាំងអស់ស្រមៃចង់បាន។ ប៉ុន្តែទន្ទឹមនឹងការឈានទៅមុខ វិស័យនេះគឺពិតជាចង់បាន នឹងត្រូវការជាចាំបាច់នូវការគាំទ្រពីសំណាក់បងប្អូនប្រិយមិត្តទាំងអស់គ្នា។ យ៉ាងណាមិញសព្វថ្ងៃនេះគេសង្កេតឃើញថា រាល់ការប្រកួតធំៗ (Big Match) ប្រចាំសប្តាហ៍នៅលីគកំពូលកម្ពុជា គឺមានការកើនឡើងនូវចំនួនទស្សនិកជនគួរឱ្យកត់សម្គាល់។ ជារួមមក ដើម្បីគាំទ្រវិស័យកីឡាបាល់ទាត់នៅកម្ពុជាឱ្យរីកចម្រើនបាននោះ ពិតណាស់គឺត្រូវការកម្លាំងនៃការគាំទ្រពីពុកម៉ែបងប្អូន និងប្រិយមិត្តទាំងអស់គ្នា។

កុំខ្មាសអៀនអី ក្នុងការគាំទ្រវិស័យកីឡាបាល់ទាត់! ទាំងនេះគឺជាក្រុមអ្នកគាំទ្រយ៉ាងសកម្មដែល “ខ្មែរឡូត” កត់សម្គាល់ និងចង់បង្ហាញជូននូវសកម្មភាពដល់បងប្អូនឱ្យបានជ្រាបនាថ្ងៃនេះ។ ចង់ដឹងថា មានអ្នកគាំទ្រក្រុមណាខ្លះ?? តោះ! ទៅទស្សនារូបភាពនៅខាងក្រោមនេះ៖

១. អ្នកគាំទ្រក្លិបបាល់ទាត់បឹងកេត (BK 12) 

២. អ្នកគាំទ្រក្លិបបាល់ទាត់ភ្នំពេញក្រោន (The Red)

៣. អ្នកគាំទ្រក្លិបបាល់ទាត់ព្រះខ័នរាជ្យស្វាយរៀង

៤. អ្នកគាំទ្រក្លិបបាល់ទាត់វិសាខា ឬ Ultras Visakha

៥. អ្នកគាំទ្រក្លិបបាល់ទាត់ក្រសួងការពារជាតិ (Ultras Army)

៦. អ្នកគាំទ្រក្លិបបាល់ទាត់អង្គរថាយហ្គើរ (Tiger Army)

៧. អ្នកគាំទ្រក្លិបបាល់ទាត់ណាហ្គាវើល 

៨​. អ្នកគាំទ្រក្លិបបាល់ទាត់សូទីឡូអង្គរ (Ultras Siemreap)

ក្រៅពីនេះ បងប្អូនប្រិយមិត្តទាំងអស់ ក៏អាចអញ្ជើញទៅទស្សនាដោយផ្ទាល់នៅតាមបណ្តាកីឡដ្ឋាននានារៀងរាល់សប្តាហ៍បានផងដែរ ខណៈតម្លៃសំបុត្រជាមធ្យម ៤០០០រៀល ទៅ ៥០០០រៀលប៉ុណ្ណោះ។ ដោយឡែកចំពោះកាលវិភាគ និងទីតាំងប្រកួត នឹងមានបង្ហោះនៅលើហ្វេសប៊ុក គណៈកម្មការប្រកួតបាល់ទាត់ជាតិកម្ពុជា-CNCC ផងដែរ។ ចូលរួមគាំទ្រលីគកំពូលកម្ពុជាយើងទាំងអស់គ្នា! លីគខ្លាំង! ជម្រើសជាតិខ្លាំង!