ទោះបីត្រឹមជាអតីតសង្សារ តែPloy និង Dome នៅតែរក្សាមិត្តភាពល្អនឹងគ្នាជានិច្ច!

ថៃ៖ ដូចដែរប្រិយមិត្តបានជ្រាបរួចមកហើយ តារាសម្តែងស្រីPloy Chermarn និង តារាសម្តែងប្រុសDome Pakorn ពួកគេទាំងពីរធ្លាប់ជាសង្សារនឹងគ្នា។ ប៉ុន្តែទំនាក់ទំនងស្នេហាត្រូវបានបញ្ចប់ ក្រោយមានបញ្ហាមិនចុះសម្រុងមួយចំនួន។

ទោះបីជាស្នេហាត្រូវបានបញ្ចប់ក៏ពិតមែន ប៉ុន្តែពួកគេនៅតែមានការរាប់អាន និងមិត្តភាពល្អនឹងគ្នាជានិច្ច។ ជាក់ស្តែងកាលពីថ្ងៃទី០៧ ខែឧសភានេះ Ploy ថែមបានជួយផុសប្រម៉ូតបទថ្មីឲ្យ Domeនៅក្នុងអ៊ីនស្តារក្រាមទៀតផង។

នេះមិនមែនជាលើកទីមួយទេដែលPloy បង្ហាញពីការរាប់អានដ៏ល្អជាមួយអតីតសង្សារជាសាធារណៈ។ លើសពីនេះនាងថែមទាំងធ្លាប់ថតរូបជុំគ្នាជាមួយMetal សង្សារបច្ចុប្បន្នរបស់ Domeទៀតផង។ទៀតសោត សល់ពេលមិនយូរទៀតទេDome និងត្រូវរៀបការជាមួយ Metal ហើយអ្នកគាំទ្រសង្ឃឹមថា នឹងឃើញវត្តមានរបស់Ployចូលរួមនៅក្នុងកម្មវិធីនោះដូចគ្នា។

យ៉ាងណាមិញការរាប់អានមួយនេះបានធ្វើអ្នកគាំទ្រសរសើរមិនដាច់ពីមាត់ ព្រោះការរក្សាចំណងមិត្តភាពជារឿងដែលល្អប្រសើរ ជាងការដែលបែកបាក់គ្នាហើយ មើលមុខគ្នាមិនចំ៕

សូមទស្សនារូបភាពខាងក្រោម៖

• តារាថៃ