ខេត្តមណ្ឌលគិរី ៖ នៅវេលាម៉ោង០៦ និង១៥នាទីល្ងាច ថ្ងៃទី០៧ ខែឧសភា ឆ្នាំ២០១៩ ស្ថិតក្នុងភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី មានរថយន្តស៊េរីទំនើបមួយគ្រឿងបានបង្កឲ្យមានការភ្ញាក់ផ្អើល ខណៈកំពុងបើកបរនៅលើបណ្តោយផ្លូវជាតិលេខ៧៦ ស្រាប់តែលេចធ្លាយហ្គាសហុយផ្សែងទ្រលោម។
លោក ប៉ៃ លិន មេបញ្ជាការអាវុធហត្ថស្រុកកែវសីមា បានឱ្យដឹងថា មានករណីធ្លាយហ្គាសរថយន្តម៉ាក Lexus470 ពណ៌ខ្មៅ ពាក់ស្លាកលេខ 2G-9686 អ្នកបើកបរដោយឈ្មោះ សុទ្ធ យុទ្ធ ភេទប្រុស អាយុ៤៩ឆ្នាំ សញ្ជាតិខ្មែរ មុខរបរកសិករ រស់នៅភូមិសិរីរ័ត្ន ឃុំស្រែសង្គម ស្រុកកោះញែក ខេត្តមណ្ឌលគិរី។
ចំពោះមូលហេតុ គឺនៅពេលបើកបរស្រាប់តែធ្លាយធុងហ្គាស ក្រោយកើតហេតុនោះក៏មានការជួយពីប្រជាពលរដ្ឋ តទឹកទុយោឲ្យ បាញ់រលត់ជាស្ថាពរ ពុំបណ្តាលឱ្យមាននណាម្នាក់រងគ្រោះថ្នាក់ឡើយ ហើយរថយន្ត ក៏ត្រូវម្ចាស់យកទៅជួសជុលដោយខ្លួនឯងផងដែរ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
