ថៃ៖ ស្ដេចថៃ ព្រះមហាក្សត្រ Maha Vajiralongkorn ដែលនឹងមាន ព្រះរាជពិធីគ្រងរាជសម្បត្តិជាផ្លូវការ នៅថ្ងៃសៅរ៏នេះ បែរជាបង្កភាពភ្ញាក់ផ្អើលមួយ ដោយបានប្រកាសពី ពិធីអភិសេកជាមុនវិញ។ ព្រះមហាក្សត្រ Maha Vajiralongkorn ធ្លាប់រៀបអភិសេក៣ដងរួចមកហើយ តែមានការលែងលះគ្នាទៅវិញ។
ព្រះរាជពិធីអភិសេកនេះ ប្រព្រឹត្តឡើង កាលពីម្សិលមិញ ដោយព្រះមហាក្សត្រ Maha Vajiralongkorn បានគ្រងក្នុងឈុតឯកសណ្ឋានពណ៌ស អមដោយម្ចាស់ក្សត្រី ស៊ូធីដាវ៉ាជីរ៉ាឡុងកន ណាអាយូធីយ៉ា (SUTHIDA VAJIRALONGKORN NA AYUDHYA) ក្នុងឈុតសូត្រសុទ្ធពណ៌ផ្កាឈូកស្រាល បែបប្រពៃណីថៃ យ៉ាងស្រស់ស្អាត នៅឯព្រះរាជវាំងក្រុងបាងកក ផ្ទាល់តែម្ដង។
គួរបញ្ជាក់ផងដែរ ព្រះមហាក្សត្រី ស៊ូធីដា ព្រះជន្ម៤០ឆ្នាំហើយ ដែលធ្លាប់មានការងារជា នារីបម្រើលើយន្តហោះ សម្រាប់ក្រុមហ៊ុនហោះហើរ ដ៏ល្បីមួយក្នុងប្រទេសថៃ ហើយនៅឆ្នាំ ២០១៤ ត្រូវបានតែងតាំង ជាមេបញ្ជាការរង នៃកងអង្គរក្សរបស់ព្រះមហាក្សត្រ Maha Vajiralongkorn៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]