Real Madrid ចង់ឲ្យកីឡាកររូបនេះ ចាកចេញពីក្លិប

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានបញ្ជាក់ឲ្យដឹងថា ក្លិបអធិរាជស Real Madrid ចង់ឲ្យខ្សែប្រយុទ្ធ Endrick ចាកចេញពីក្លិបនៅរដូវក្ដៅនេះ។

ការសម្រេចចិត្តនេះបានធ្វើឡើងនាពេលថ្មីៗមកនេះ ក្រោយពីឆ្លងកាត់ការពិភាក្សារួចមក ដោយក្លិបចង់ឲ្យ Gonzalo Garcia បន្តស្នាក់នៅ Real Madrid ជំនួសឲ្យ Endrick។

Endrick ឯណោះវិញ បានផ្ទេរពី Palmeiras មកកាន់ក្លិបអធិរាជស Real Madrid កាលពីឆ្នាំ២០២៤ ដោយរូបគេបានបង្ហាញខ្លួនចំនួន៣៧ប្រកួតឲ្យក្លិប និងស៊ុតបញ្ចូលទីបាន ៧គ្រាប់ឲ្យក្លិបតែយ៉ាងណាមិញ Real Madrid ហាក់មិនពេញចិត្តនឹងឲ្យរូបគេស្នាក់នៅទីនេះបន្តឡើយ ដោយសារតែមើលឃើញភាពល្អរបស់ Gonzalo Garcia ដែលជាយុវជនចេញពីថ្នាលរបស់ Real Madrid គឺ Real Madrid Castillas ៕