ទីបំផុត R.Madrid ប្រកាសចុះកុងត្រា បង្ហាញមុខកីឡាករថ្មីម្នាក់នេះរបស់ខ្លួន

កីឡា៖ ក្លិបអធិរាជស Real Madrid បានប្រកាសពីការចុះកុងត្រាយកកីឡាករ Alvaro Carreras ជាផ្លូវការ ក្រោយតាមទិញគេពីក្លិប Benfica រួចមក។

Carreras ដែលធ្លាប់ជាអតីតកីឡាកររបស់ Real Madrid នោះ បានចុះកុងត្រាចំនួន៦ឆ្នាំស្នាក់នៅទឹកដី Santiago Bernabeu ដោយគេនឹងពាក់អាវលេខ១៨។ ក្នុងនោះ Real Madrid បានចាយប្រាក់ជិត៥៩លានដុល្លារ ក្នុងការទិញយកកីឡាកររូបនេះ ពី Benfica ផងដែរ។

គួរបញ្ជាក់ផងដែរថា Alvaro Carreras ធ្លាប់លេងនៅឈុតយុវជនរបស់ Real Madrid មុននឹងត្រូវ Manchester United ទិញយក បន្ទាប់មកបិសាចក្រហមបានលក់គេទៅឲ្យ Benfica កាលពីឆ្នាំ២០២៥ បន្ទាប់ពីចំណាយពេល១ឆ្នាំខ្ចីជើងនៅទីនោះ៕