រូបភាពថ្មី Angelababy បង្ហាញភាពស្រស់ស្អាត ដូចព្រះនាង

កម្សាន្ត៖ តារាសម្ដែងស្រី Angelababy បានទាក់ទាញការចាប់អារម្មណ៍ នៅពេលបង្ហាញខ្លួន ក្នុងកម្មវិធី Paris Haute Couture Week ជាមួយនឹងឈុត ព្រមទាំងលេងស្ទីលដ៏លេចធ្លោរបស់នាង។

តារាសម្ដែងស្រី Angelababy បានចូលរួមកម្មវិធី Fashion Week របស់ Haute Couture Fall/Winter 2025 របស់ Iris van Herpen កាលពីថ្ងៃទី ៧ ខែកក្កដា កន្លងទៅ។ តារាស្រីរូបនេះ បានបង្ហាញភាពស្រស់ស្អាត ដោយបានពាក់រ៉ូបវែងមួយពី collections Haute Couture Spring/Summer 2018 របស់ម៉ាក។

នេះជាលើកទីមួយហើយ ដែលនាងត្រលប់មកចូលរួមកម្មវិធីបង្ហាញម៉ូតអន្តរជាតិ ចាប់តាំងពីអាជីពរបស់នាងត្រូវបានប៉ះពាល់ ដោយចចាមអារ៉ាមនៃការចូលរួមក្នុងកម្មវិធី Crazy Horse នៅចុងឆ្នាំ ២០២៣ ។

យ៉ាងណាមិញ ការបង្ហាញខ្លួនលើកនេះ រូបនាង មានភាពលេចធ្លោខ្លាំង ដោយបានបង្ហាញសម្រស់ ជាមួយនឹងតុបតែងខ្លួនបែបយុវវ័យ និងត្រូវបានសារព័ត៌មានបរទេស សរសើរពីភាពស្រស់ស្អាតរបស់នាង។ ជាពិសេស ក្នុង​រូបថត​ដែល​មិន​បាន​កែ​សម្រួល​ ត្រូវ​បាន​គេ​ចែក​ចាយ​លើ​បណ្ដាញ​សង្គម និង​ត្រូវ​បាន​គេ​សរសើរ​រូបនាងថា ​មាន​ស្បែក​ស្អាត​បែបធម្មជាតិ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖