ស្ងាត់ៗ Real Madrid ជិតយកបាន ខ្សែការពារវ័យក្មេងរូបនេះហើយ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបអធិរាជស Real Madrid ជិតនឹងចុះកុងត្រាទិញយកខ្សែការពារ Álvaro Carreras ពីក្លិប Benfica ហើយ។

ការពិភាក្សាលើការផ្ទេរនេះបានកើតឡើងតាំងពីមុននេះ គឺតាំងពីខែមិថុនា ដោយសារកីឡាករសញ្ជាតិអេស្ប៉ាញរូបនេះចង់ផ្លាស់ទៅតែ Real Madrid  ប៉ុណ្ណោះ ដោយគេបានព្រមព្រៀងជាមួយភាគីលោក Xabi Alonso តាំងពីខែមិថុនា។

ការព្រមព្រៀងបានឈានមកដល់ដំណាក់កាលសម្រេចហើយ ដោយក្លិបគ្រោងនឹងប្រកាសពីការចុះកុងត្រាកីឡាកររូបនេះ បន្ទាប់ពីការប្រកួត Club World Cup ចប់។

ក្នុងនោះ Real Madrid ស្ម័គ្រចិត្តឲ្យ Rafael Obrador ទៅកាន់ Benfica ជាផ្នែកមួយនៃការចរចានេះ៕