កម្សាន្ត៖ អតីតតារាម៉ូដែលស្រី Miranda Kerr បានទាក់ទាញចំណាប់អារម្មណ៍ ក្រោយពីបានបង្ហោះរូបថតពីដំណើរកម្សាន្តនៅអឺរ៉ុប របស់នាង ជាមួយនឹងស្វាមី លោក Evan Spiegel រួម ជាមួយពាក្យជូនពរថ្ងៃកំណើតដ៏ផ្អែមល្ហែម ដល់ស្វាមី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កាលពីថ្ងៃទី ៤ ខែមិថុនា កន្លងទៅនេះ អតីតតារាម៉ូដែលស្រីវ័យ ៤២ ឆ្នាំរូបនេះ បានចែករំលែកនៅលើ Instagram ពីរូបថតដ៏ស្និទ្ធស្នាលជាមួយស្វាមីរបស់នាង ពេលកម្សាន្តនៅលើទូកមួយ ក្នុងទីក្រុង Venice ប្រទេសអ៊ីតាលី។ នៅក្នុងរូបថតនោះ Miranda Kerr និងស្វាមីរបស់នាង បានឱបគ្នាយ៉ាងស្និទ្ធស្នាល និងថតរូប Selfie ក្រោមទេសភាពនៃទីក្រុងបុរាណ ទៀតផង។
ជាមួយគ្នានេះដែរ តារាស្រីរូបនេះ បានសរសេររៀបរាប់ថា៖ «រីករាយថ្ងៃកំណើតអ្នកជាទីស្រលាញ់របស់ខ្ញុំ! អ្នកគឺជាដៃគូដ៏អស្ចារ្យបំផុត និងផ្តល់កម្លាំងចិត្តដល់ខ្ញុំជារៀងរាល់ថ្ងៃ។ ដឹងគុណចំពោះអ្នក និងក្រុមគ្រួសារដ៏អស្ចារ្យរបស់យើង។ ជូនពរឱ្យយើងមានដំណើរផ្សងព្រេងជាច្រើនទៀតជាមួយគ្នា!»។
មិនត្រឹមតែប៉ុណ្ណោះ ក៏មានអ្នកគាំទ្រជាច្រើន បានផ្ញើពាក្យជូនពរថ្ងៃកំណើតរបស់ មហាសេដ្ឋី Evan Spiegel និងបានសរសើរ Miranda ព្រមទាំងស្វាមីរបស់នាងថា ជាគូស្វាមីភរិយាដ៏ស្រស់ស្អាត សមគ្នា ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T