កម្សាន្ត៖ ត្បិតថា Han So Hee ដែលជាតារាសម្ដែងល្បីឈ្មោះម្នាក់ប្រចាំប្រទេសកូរ៉េខាងត្បូង ធ្លាប់មានរឿងអាស្រូវចម្រូងចម្រាសជាមួយនឹងអតីតមិត្តប្រុស Ryu Jun Yeol និង Lee Hyeri មែន តែឥឡូវនេះកេរ្តិ៍ឈ្មោះរបស់នាងនៅតែមានភាពល្បីល្បាញ។

ក្រោយប្រឈមនឹងព្យុះភ្លៀងរួចមក Han So Hee ដូចជាបើកទំព័រនៃជីវិតថ្មីរបស់នាងដោយបានផ្លាស់ប្ដូររូបរាងខ្លួនឯង ដោយនាងបានកាត់សក់ខ្លីត្រឹមក បែបម៉ូតក្ដោបយ៉ាងស្រស់ស្អាត បង្ហាញទម្រង់មុខពងក្រពើយ៉ាងលេចធ្លោ។

កាលពីថ្ងៃទី៦ខែសីហាកន្លងទៅ នាងបានបង្ហាញខ្លួននៅព្រលានយន្តហោះអន្តរជាតិ Incheon ត្រៀមធ្វើដំណើរទៅក្រៅប្រទេស ជាមួយនឹងការស្លៀកពាក់យ៉ាងស្រស់ស្អាតសមសួនគឺ អាវសំយេះស្មា រាងប៉ោងៗ ជីបភ្លីត្រង់ចង្កេះនិងសំពត់សម្រុងពាក់កណ្ដាលភ្លៅពណ៌សាច់ ធ្វើឲ្យនាងរឹតតែមើលទៅស្រស់ស្អាតបែបទន់ភ្លន់ គួរឲ្យស្រលាញ់៕

ប្រភព៖ allkpop