ស្រលាញ់ខ្លាំងហើយ អតីតស្វាមី​ សាន់ឆាយ នាំគូស្នេហ៍ថ្មី ទៅជួបម្ដាយ

កម្សាន្ត៖ អ្នកជំនួញ លោក Wang Xiaofei ដែលត្រូវបានគេស្គាល់ថា​ ជាអតីតស្វាមី របស់តារាសម្ដែងស្រី Barbie Hsu បាននាំម្តាយ និងគូស្នេហ៍របស់ខ្លួន Mandy ទៅទទួលទានអាហារពេលល្ងាច ហើយទំនាក់ទំនងរវាងអ្នកទាំងបី ត្រូវបានគេលើកឡើងថា ល្អណាស់។

យោងតាម រូបថតជាច្រើនសន្លឹក ដែលត្រូវបានចែករំលែកនៅលើបណ្តាញសង្គម ម្ដាយ លោក Wang Xiaofei និងអនាគតកូនប្រសាស្រី Mandy បានជល់កែវគ្នា ហើយសើចយ៉ាងសប្បាយរីករាយ។ នេះ​ជា​លើក​ដំបូង ​ដែល​ពួកគេ​បង្ហាញ​ខ្លួន​ក្នុង​រូបភាពតែ​មួយ ហើយ លោក​ Wang Xiaofei ដែលអង្គុយក្បែរពួកគេ និងមនុស្សពីរបីនាក់ទៀត បានបង្ហាញទឹកមុខ ពោរពេញដោយក្ដីភាពរំភើបយ៉ាងច្បាស់។

មិនត្រឹមតែប៉ុណ្ណោះ ក៏មានប្រភពខ្លះ បាននិយាយថា ម្ដាយរបស់ លោក Wang Xiaofei ពិតជាស្រលាញ់ Mandy ព្រោះនាងជាមនុស្សមានសតិសម្បជញ្ញៈ កម្រចែករំលែកនៅលើបណ្តាញសង្គម ហើយមិនឆ្លៀតឱកាសពីកូនប្រុស ដូចស្រីមុនៗ៕

ប្រភព៖ Ngoisao.net

សូមទស្សនារូបភាពខាងក្រោម៖