កូរ៉េខាងត្បូង៖ ភាពយន្តឯកសារថ្មីរបស់ BBC ដែលលាតត្រដាងវីដេអូថ្មី និងព័ត៌មានលម្អិតទាក់ទងនឹងរឿងអាស្រូវផ្លូវភេទដ៏ធំដែលទាក់ទងនឹងក្លឹប "Burning Sun" បាននាំមកនូវសក្ខីកម្មដ៏ញាក់សាច់។ ជនរងគ្រោះម្នាក់ក្នុងចំណោមនារីវ័យក្មេង ដែលជាភ្ញៀវប្រចាំនៅក្លឹប បានផុងខ្លួន ជួបប្រទះនូវទង្វើដ៏ឃោរឃៅរបស់ឧក្រិដ្ខជនម្នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![ជនល្មើសក្នុងករណី Burning Sun](https://s9.kh1.co/__image/w=650,h=889,q=100/62/6233261a3c4618270ee6f63c8a3e14c751ad1cd0.webp)
ជនរងគ្រោះ ដែលមិនបញ្ចេញឈ្មោះ បានរៀបរាប់ពីរាត្រីមួយដែលបានចាប់ផ្តើម នាង និងមិត្តភ័ក្តិរបស់នាងបានកក់តុមួយនៅក្លឹបដ៏ល្បី "Burning Sun" ដែលជាគោលដៅដ៏ពេញនិយមនៅពេលនោះសម្រាប់យុវវ័យ យ៉ាងណាមិញ បន្ទាប់ពីបានផឹកអស់ពីរបីកែវ នាងចាប់ផ្ដើមមានអារម្មណ៍ស្រវឹងខុសធម្មតា។
![ជនល្មើសក្នុងករណី Burning Sun](https://s9.kh1.co/__image/w=420,h=320,q=100/ea/ea1f29fb918f80403df5e2258c55bcadc4f347c9.jpg)
“ថ្ងៃនេះខ្ញុំមានអារម្មណ៍ចម្លែក។ ខ្ញុំពិតជាស្រវឹងយ៉ាងលឿន។ ខ្ញុំគិតថាខ្ញុំមិនគួរផឹកទៀតទេ» នាងប្រាប់មិត្តភក្តិរបស់នាងមុនពេលត្រឡប់មកតុរបស់គេវិញ។ ក្រោយមក អ្វីដែលនាងចាំតែម៉្យាងគឺ ភ្ញាក់ឡើងនៅក្នុងបន្ទប់សណ្ឋាគារមួយជាមួយនឹងជនដៃដល់។
នាងបានរៀបរាប់ប្រាប់ថា "ភ្លាមៗនោះគាត់បានស្ទុះរត់មករកខ្ញុំ ហើយបង្ខំឱ្យដោះខោអាវចេញ។ ខ្ញុំខំស្រែក ប៉ុន្តែគេខ្ទប់មាត់ខ្ញុំជាប់ ហើយខ្ញុំក៏ព្យាយាមមិនរើបម្រាស់ដែរ ទើបខ្ញុំខំប្រឹងក្រោកឡើង ហើយគេបានអង្គុយលើខ្ញុំហើយសង្កត់ខ្ញុំចុះ។"
![ជនល្មើសក្នុងករណី Burning Sun](https://s9.kh1.co/__image/w=650,h=366,q=100/78/784f6c7673261046c1a816b1dcdd7240f22dfe0a.webp)
បើទោះបីជានាងខំប្រឹងរើម្រាស់យ៉ាងណាក៏ដោយ ខាងជនដៃដល់នៅតែមានប្រើកម្លាំងខ្លាំងទៅៗសង្កត់ពីលើនាង រហូតធ្វើឲ្យនាងឈឺពេញដងខ្លួន។ "ដោយសារខ្ញុំកំពុងតែស្រែក គាត់ខ្ទប់មាត់ខ្ញុំប្រើដៃទាំងពីរតែម្ដង គាត់បន្តរុញខ្ញុំចុះដូចជាគាត់ធ្វើ CPR ឲ្យខ្ញុំ ខ្ញុំមិនអាចដកដង្ហើមបានទេ។ មាត់ខ្ញុំឈឺខ្លាំងណាស់ ប៉ុន្តែដោយសារគាត់អង្គុយលើខ្ញុំ ឆ្អឹងជំនីររបស់ខ្ញុំក៏ឈឺដែរ។ ទោះបីជាខ្ញុំតស៊ូប៉ុណ្ណាក៏មិនបានផល។ ដូច្នេះខ្ញុំក៏សម្រេចចិត្តលះបង់។
![ជនល្មើសក្នុងករណី Burning Sun](https://s9.kh1.co/__image/w=650,h=342,q=100/51/510914bf58ee8325788e674106046c49d9053d8d.webp)
ខ្ញុំមានអារម្មណ៍ថាដូចជាគាត់ប្រុងនឹងសម្លាប់ខ្ញុំ។ ខ្ញុំឈឺចាប់យ៉ាងខ្លាំង ប៉ុន្តែគាត់មិនព្រមឈប់ ហើយគាត់បន្តព្យាយាមធ្វើសកម្មភាពរំលោភលើខ្ញុំ។ ដូច្នេះហើយខ្ញុំបានបោះបង់ចោល ហើយដេកនៅទីនោះ។"
បន្ទាប់មក នាងក៏បានរៀបរាប់ពីការចាប់ផ្តើមអង្វរជនល្មើស ឱ្យដោះលែងនាងទៅ ហើយមានអារម្មណ៍ឈឺខ្លាំង បុរសនោះបាននិយាយថា គាត់នឹងអនុញ្ញាតឱ្យនាងទៅប្រសិនបើគាត់ថតរូបនាងញញឹម។ នាងបានបន្ដទៀតថា " ខ្ញុំមានអារម្មណ៍ថាឈឺណាស់។ ខ្ញុំចាប់ធុងសម្រាមហើយក្អួត។ ខ្ញុំក្អួត ហើយ... ខ្ញុំលុតជង្គង់លើឥដ្ឋ ហើយអង្វរ។ ខ្ញុំបានអង្វរគាត់ឱ្យបញ្ជូនខ្ញុំទៅផ្ទះ។ ខ្ញុំថាខ្ញុំនឹកម៉ាក់ខ្ញុំខ្លាំងណាស់។ ខ្ញុំយំហើយអង្វរ។
![ជនល្មើសក្នុងករណី Burning Sun](https://s9.kh1.co/__image/w=560,h=406,q=100/d7/d743592f50dad71ddf979b58b2fba8c72103c6df.jpg)
គាត់ថាគាត់នឹងឲ្យខ្ញុំទៅបើខ្ញុំថតរូប។ គាត់ប្រាប់ខ្ញុំឱ្យញញឹម ប៉ុន្តែខ្ញុំមិនអាច។ ខ្ញុំចង់បិទមុខរបស់ខ្ញុំ។ ដោយសារគាត់មិនអនុញ្ញាតខ្ញុំ ខ្ញុំគ្រាន់តែធ្វើសញ្ញាសន្តិភាព។ បន្ទាប់មកខ្ញុំក៏ប្រញាប់ចេញទៅ។ ប៉ុន្តែការចងចាំរបស់ខ្ញុំអំពីរឿងនោះគឺ មានភាពស្រពិចស្រពិលណាស់។"
![ជនរងគ្រោះក្នុងករណី Burning Sun](https://s9.kh1.co/__image/w=650,h=366,q=100/45/45ffe3c5ffdb27083290db18199faf9d945dbecb.webp)
នៅពេលដែលនាងខំប្រឹងអស់ពីកម្លាំងចិត្តក្នុងការរាយការណ៍ពីការរំលោភទៅប៉ូលីស បុរសនោះបានបង្ហាញរូបថតដែលគាត់បានយកនាងទុកជាភស្តុតាង ដោយសំអាងថាការឆ្លើយឆ្លងរបស់ពួកគេគឺជាការព្រមព្រៀងគ្នា។ គួរឱ្យភ្ញាក់ផ្អើល រូបថតនេះគឺគ្រប់គ្រាន់ដើម្បីបង្ខូចការអះអាងរបស់នាង ហើយគាត់ត្រូវបានអនុញ្ញាតឱ្យចាកចេញពីប្រទេសកូរ៉េដោយមិនប្រឈមមុខនឹងការចោទប្រកាន់ណាមួយឡើយ៕
ប្រភព៖ koreaboo
![ជនរងគ្រោះក្នុងករណី Burning Sun](https://s9.kh1.co/__image/w=650,h=366,q=100/87/87dd5da30e445210972da162b99138b5813e5d30.webp)