បរទេស៖ នាយប់រំលងអាធ្រាត្រឈានចូលថ្ងៃទី ១១ ខែ មេសា ឆ្នាំ ២០២៤ នេះ ក្រុមម្ចាស់ផ្ទះ Paris Saint-Germain បានបើកទ្វាកីឡដ្ឋាន Parc des Princes របស់ខ្លួន ទទួលស្វាគមន៍ក្រុមភ្ញៀវ Barcelona នៅក្នុងការប្រកួតជើងទី ១ វគ្គ ៨ ក្រុមចុងក្រោយនៃពានរង្វាន់ Champions League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងការប្រកួតរវាងក្រុមខ្លាំងទាំង ២ គឺពិតជាតានតឹងមែនទែន ប៉ុន្តែជារួមខាងក្រុមភ្ញៀវ Barcelona ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុមអ្នកមាន PSG ក្នុងលទ្ធផល ៣ ទល់នឹង ២។
ក្នុងនោះ ៣ គ្រាប់របស់ Barcelona គឺរកបានដោយ Raphinha ២ គ្រាប់ម្នាក់ឯង គឺនៅនាទីទី ៣៧ និង ៦២ ចំណែក ១ គ្រាប់ទៀតគឺរកបានដោយខ្សែការពារ Andreas Christensen នៅនាទីទី ៧៧ រីឯ ២ គ្រាប់របស់ PSG វិញ គឺរកបានដោយ Ousmane Dembele នៅនាទីទី ៤៨ និង Vitinha នៅនាទីទី ៥០។
គួរបញ្ជាក់ថា ការប្រកួតនៅក្នុងវគ្គ ៨ ក្រុមពាន UCL រវាងក្រុមទាំង ២ នេះ គឺនៅសល់មួយជើងទៀត ក្នុងនោះជើងទី ២ គឺនឹងធ្វើឡើងនៅថ្ងៃទី ១៧ ខែ មេសា ឆ្នាំ ២០២៤ ខាងមុខ។
សូមទស្សនាវីដេអូខាងក្រោម៖