បរទេស៖ អតីតខ្សែការពារជើងចាស់របស់បិសាចក្រហម Manchester United លោក Nemanja Vidic បានប្រៀបធៀបខ្សែបម្រើវ័យក្មេង Kobbie Mainoo ទៅនឹងតារាឆ្នើមរបស់ Real Madrid គឺកីឡាករ Luka Modric។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Mainoo ត្រូវបាន Man UTD តម្លើងពីឈុតយុវជនមកកាន់ឈុតធំនៅខែ មករា ឆ្នាំ ២០២៣ នេះ ប៉ុន្តែទោះបីខ្សែបម្រើវ័យក្មេងរូបនេះទើបតែចាប់ផ្តើមរដូវកាលដំបូងជាមួយក្រុមបិសាចក្រហមក៏ដោយ តែរូបគេកំពុងបង្ហាញសមត្ថភាពបានល្អមែនទែន ហើយតែងតែទទួលបានការកោតសរសើរពីកីឡាករជើងចាស់ទៀតផង។
ជាមួយគ្នានេះ លោក Vidic ក៏ជាមនុស្សម្នាក់ ដែលបានសរសើរពីទេពកោសល្យរបស់ខ្សែបម្រើ អង់គ្លេស រូបនេះផងដែរ ក្នុងនោះលោកបានមានប្រសាសន៍យ៉ាងដូច្នេះថា៖
Mainoo គឺពិតជាអស្ចារ្យ ជាពិសេសការយល់ដឹងរបស់គាត់នៅក្នុងតំបន់ទាំងនេះ។ ពេលខ្លះគាត់គឺបានធ្វើឱ្យខ្ញុំនឹកឃើញពី Modric។ គាត់តែងតែដឹង ថាអ្នកណាដែលនៅពីក្រោយគាត់។ គាត់អាចដឹង ថាពេលណាគួរតែលេងតែមួយប៉ះ ពេលណាគាត់គួរប្តូរទៅចំហៀងភ្លាមៗ ហើយគាត់មានការវាយបកដ៏អស្ចារ្យ។ វាពិបាកណាស់ដើម្បីការពារគាត់។
ប្រភព៖ Sportskeeda
Bong I.T