សង្ខេបព្រឹត្តិការណ៍ប្រគំតន្ត្រីខួបអនុស្សាវរីយ៍លើកទី៥ និងការចាប់រង្វាន់១០ម៉ឺនដុល្លាប្រចាំឆ្នាំរបស់ផ្សារទំនើប វឌ្ឍនៈកាពីតាល

ភ្នំពេញ៖ ជារៀងរាល់ឆ្នាំ ផ្សារទំនើបវឌ្ឍនៈកាពីតាល តែងតែមានកម្មវិធីសប្បាយៗជាច្រើន ជាមួយនឹងការរៀបចំថ្មីៗគួរឲ្យចាប់អារម្មណ៍ ជូនអតិថិជនរបស់ខ្លួន។ មិនខុសពីឆ្នាំកន្លងទៅ ផ្សារទំនើបវឌ្ឍនៈកាពីតាល ក៏មានការប្រគំតន្ត្រីខួបអនុស្សាវរីយ៍លើកទី៥ និងការចាប់រង្វាន់ ដែលមានទឹកប្រាប់សរុបដល់ទៅ១០ម៉ឺនដុល្លារ កាលពីយប់ថ្ងៃសៅរ៍ ទី២៦ ខែសីហា ឆ្នាំ២០២៣ កន្លងទៅនេះ ដោយរួមមានកម្មវិធីប្លែកៗជាច្រើនតាំងពីដើមរហូតដល់ចប់។

ជាងនេះទៅទៀត ពិធីករក្នុងកម្មវិធីគឺ កញ្ញា សុភ័ក្រ កុសុម៉ា និងលោក Summer បានញ៉ាំង ព្រឹត្តិការណ៍នេះ ឲ្យកាន់តែមានភាពរំភើបរីករាយពេញមួយរាត្រីជាមួយនឹងការជជែកកំសាន្តជាមួយតារាចម្រៀង និងភ្ញៀវកិត្តិយសរបស់កម្មវិធី។ ក្នុងការប្រគំតន្រ្តីនោះផងដែរក៏មានវត្តមានតារាចម្រៀងល្បីៗដូចជាលោក Suly Pheng, ក្រុមSlapHouse, VIS, និង H.E.N.G ដែលបានធ្វើឲ្យការប្រគំតន្ត្រីកាន់តែមានភាពសប្បាយរីករាយ និងទាក់ទាញថែមទៀត។ រឹតតែពិសេសទៅទៀតនោះគឺជួបជាមួយ Miss Grand Cambodia Top 5 ដែលមានវត្តមានជាតារាដើរបង្ហាញម៉ូដ Fashion Show ព្រមទាំងមានតារាម៉ូដែលល្បីៗជាច្រើងនាក់ទៀតដែលបានដើរបង្ហាញម៉ូតសម្លៀកបំពាក់ និងកាបូបប្រណីតនារដូវកាលថ្មីចុងក្រោយពីម៉ាកលំដាប់អន្តរជាតិដូចជា Balenciaga, Burberry, Dolce&Gabbana, Boss, Moncler, Ferragamo, Versace និង Bottega Veneta ដែលជាកម្មវិធី Highlight របស់ព្រឹត្តិការណ៍នេះ បានទទួលការអបអរសាទរនិងគាំទ្រយ៉ាងខ្លាំងពីសំណាក់ទស្សនិកជន។

ក្រៅពីកម្មវិធីកម្សាន្តសប្បាយៗ អតិថិជននិងអ្នកចូលរួមទាំងអស់អាចភ្លក់ដោយឥតគិតថ្លៃនូវភេសជ្ជៈ វី-អាកទីវ V-Active, ស្រាបៀរវឌ្ឍនៈ - Vattanac Premium Beer និង Dragon Premium Dark Beer។ ទន្ទឹមនឹងនេះផងដែរ កម្មវិធីក៏មានការចាប់ឆ្នោតយករង្វាន់ធំ និងរង្វាន់លើកទឹកចិត្តដែលមានតម្លៃសរុបជាទឹកប្រាក់រហូតដល់ ១០ម៉ឺនដុល្លារ សម្រាប់អតិថិជនរបស់ ផ្សារទំនើបវឌ្ឍនៈកាពីតាល ក៏ដូចជាប្រិយមិត្តដែលទស្សនាការផ្សាយផ្ទាល់ពីទំព័រហ្វេសប៊ុកផ្លូវការរបស់ វឌ្ឍនៈកាពីតាល។

វឌ្ឍនៈកាពីតាល ក៏នឹងមានកម្មវិធីសប្បាយៗជាច្រើនបន្ថែមទៀតផងដែរ កុំភ្លេចចូលរួមតាមដានទាំងអស់គ្នា ថាតើនឹងមានអ្វីថ្មីហើយប្លែកជូនលោកអ្នកនាពេលខាងមុខ៕