ក្រុមហ៊ុន Mediaload ទទួលបានសិទ្ធិចែកចាយ រឿងកុនថ្មីពីផលិតកម្ម LD!

ភ្នំពេញ ៖ នារាត្រីថ្ងៃទី ១ ខែវិច្ឆិកានេះ ផលិតកម្ម LD និងក្រុមហ៊ុនសហការ បានរៀបចំកម្មវិធីសម្ពោធរឿងកុនថ្មីមួយ មានចំណងជើងថា "ជួបស៊យ វគ្គ៣" ជារឿងដែលទទួលបានការគាំទ្រខ្លាំង ចាប់តាំងពីវគ្គដំបូង មកម៉្លេះ។

នៅក្នុងកម្មវិធីនេះដែរ ក៏មានការចូលរួមពីសំណាក់ក្រុមផលិតករល្បីៗ លោកលៀក លីណា អ្នកគ្រប់គ្រង និងជាអ្នកតំណាងមកពីផលិតកម្ម LD, លោកលាង រតនះ CEO នៃ DreamTeam Agency, DreamTeam Pictures និងជា Deputy CEO ក្រុមហ៊ុន Mediaload Cambodia ហើយក៏មានការចូលរួម ពីក្រុមអ្នកសារព័ត៌មាន និងតារាសម្ដែងល្បីៗជាច្រើនទៀតផងដែរ។ 

ក្នុងនោះដែរ លោកលាង រតនះ ក៏បានបញ្ជាក់ឲ្យខ្មែរឡូតដឹងដែរថា បច្ចុប្បន្នក្រុមហ៊ុន Mediaload Cambodia ក៏ដូចជា DreamTeam Agency និង DreamTeam Pictures ទទួលបានសិទ្ធិចែកចាយ រឿងកុនពីផលិតកម្ម LD ដោយស្របច្បាប់ ហើយលោកក៏សង្ឃឹមយ៉ាងមុតមាំថា ការសហការគ្នារវាងក្រុមហ៊ុនទាំងពីរ នឹងបង្កើតបានជោគជ័យបន្ថែមទៀត ដើម្បីជាការលើកស្ទួយវិស័យកុនខ្មែរ ឲ្យមានការរីកចម្រើន កាន់តែខ្លាំងឡើង។

ជាក់ស្ដែងនៅក្នុងកម្មវិធី លោកលៀក លីណា ក៏បានប្រកាសផងដែរថា ផលិតកម្ម LD នឹងបន្តផលិតកុនល្អៗឲ្យបាន នៅឆ្នាំក្រោយៗ ដូច្នេះសូមប្រិយមិត្ត អ្នកគាំទ្រវិស័យកុនខ្មែរ រង់ចាំតាមដានទាំងអស់គ្នា៕