ភ្លៀងលិចគ្រប់កន្លែង តែបុរសម្នាក់នេះ ឡើងលើដំបូលឡាន ចុចទូរសព្ទ ឡើងHigh

កម្សាន្ត ÷ គ្រោះធម្មជាតិ គឺពិតជារឿងដែលមើលមិនឃើញនោះទេ ថាកើតឡើងនៅទីណា និងពេលណា ជាក់ស្តែងថ្មីៗនេះ នៅក្នុងទីក្រុងសេអ៊ូល ប្រទេសកូរ៉េ កំពុងតែជួបប្រទះនឹងគ្រោះធម្មជាតិ ដោសារតែមានការធ្លាក់ភ្លៀងយ៉ាងខ្លាំង បណ្តាញឲ្យមានទឹកជំនន់ក្នុងទីក្រុង។

ខណ:ដែល ប្រជាជននៅក្នុងទីក្រុងសេអ៊ូល ត្រូវបានគេណែនាំអោយមានការប្រុងប្រយ័ត្ន និងជៀសវាងតំបន់ដែលងាយនឹងមានទឹកជំនន់ និងការរអិលបាក់ដីជាដើម ក៏មានអ្នកនិយមលេងអ៊ីនធើណែតកូរ៉េជាច្រើន បានចែករំលែករូបភាព បង្ហាញពីការលិចលង់ខ្លាំងប៉ុណ្ណាដែរ។

ប៉ុន្តែទោះបីជាមានអាកាសធាតុ អាក្រក់យ៉ាងណាក៏ដោយ ក៏បុរសម្នាក់នេះកំពុងតែទទួលបានការចាប់អារម្មណ៍ខ្លាំង អំឡុងពេលទឹកជំនន់ ដោយសារតែលោក បានឡើងទៅលើរថយន្តរបស់ខ្លួនចុចទូរស័ព្ទ ទំនងជាកំពុងរកជំនួយ តែយ៉ាងណាបើមើលទៅរូបភាពដែល មហាជនចែករំលែកពីមុំផ្សេងៗ បុរសម្នាក់នោះហាក់ដូចជា កំពុងតែរ៉ូមែនទិក ដូចនៅក្នុងរឿងភាគកូរ៉េ ទៅវិញ។

ហើយខណៈពេលដែល រូបភាពរបស់បុរសនោះ បានសាយភាយ អ្នកនិយមលេងអ៊ីនធើណែត ថែមទាំងធ្វើការកែកុនរូបថតនោះទៀតផង ដូចជា​ការ​ធ្វើ​ឱ្យ​វា​មើល​ទៅ​កាន់​តែ​រ៉ូមែនទិក ​ជាមួយ​នឹង​ពន្លឺ​កាន់តែច្បាស់ ការបញ្ជូនក្រុមឧទ្ធម្ភាគចក្រទៅជួយសង្គ្រោះ និងបានប្រែរូបនោះឲ្យមើលទៅដូចជា រូបភាពនៃខ្សែភាពយន្តកូរ៉េឆ្នាំ ២០២១ ជាដើម។

ទោះជាយ៉ាងណា ក្រោយមកទើបអ្នកនិយមលេងអ៊ីនធើណែតបានដឹងថា បុរសនោះគឺជាអ្នកយកព័ត៌មានរបស់ Yonhap News លោក Park Sang Ryul ដែលបានឡើងទៅលើនោះ ដើម្បីរាយការណ៍អំពីទឹកជំនន់នេះ៕

ប្រភព : Koreaboo