នារីឈានមុខទាំងវ័យក្មេង! ស្រីនា លេចមុខជាគណៈកម្មការ​ក្នុង​កម្មវិធី ការជជែកដេញដោលយុវជនថ្នាក់ជាតិ២០២២

ភ្នំពេញ៖ ជឿជាក់ថាប្រិយមិត្តមួយចំនួនធំប្រាកដជាបានស្គាល់កញ្ញា ជា ស្រីនា ដែលនាងជាInfluencer មួយរូបដ៏មានប្រជាប្រិយភាពម្នាក់នាពេលបច្ចុប្បន្ន។ ពិតណាស់ គ្រប់សកម្មភាពដែលនាងបង្ហាញក្នុងវីដេអូ នាងតែចែករំលែកពីអ្វីដែលល្អៗទៅកាន់ប្អូនៗជំនាន់ក្រោយ។ លើសពីនេះទៅទៀត តារាស្រីរូបនេះក៏ធ្លាប់បានចែករំលែកនៃបទពិសោធន៍ និងវិធីសាស្ត្រសម្រាប់ប្អូនៗទី១២ប្រលងជាប់បាននិទ្ទេសAផងដែរ។ 

យ៉ាងណាមិញ បើនិយាយពីប្រវត្តិសិក្សាកញ្ញា ជា ស្រីនា បានប្រើងបញ្ចប់មធ្យមសិក្សាទុតិយភូមិ ក្នុងឆ្នាំសិក្សា២០១៧-២០១៨។ហើយអ្វីដែលគួរឲ្យចាប់អារម្មណ៍នោះនាងក៏ជាសិស្សឆ្នើមម្នាក់ដែលទទួលបាននិទ្ទេសAម្នាក់ផងដែរ។ មួយវិញទៀត ថ្មីៗនេះនាងទើបតែបញ្ចប់ថ្នាក់មហាវិទ្យាល័យ នឹងបានទៅទទួលសញ្ញាប័ត្រដល់ទៅ២នៅឯប្រទេសអាមេរិកផងដែរ។ 

តួយ៉ាង អ្វីដែលរឹតតែគួរឲ្យចាប់អារម្មណ៍ខ្លាំងបំផុតនោះ ថ្មីៗនេះ កញ្ញា ជា ស្រីនា ត្រូវបានក្រសួងអប់រំយុវជន និង កីឡា​ ផកដល់កិត្តិយសអញ្ជើញនាងធ្វើជា​គណៈកម្មការ​មួយរូបក្នុង​កម្មវិធី ការជជែកដេញដោលយុវជនថ្នាក់ជាតិ ២០២២ វគ្គ​ពាក់កណ្ដាល​ផ្ដាច់ព្រ័ត្រ​ទៀតផង។ ស្របពេលនាងធ្វើជាគណៈកម្មការមួយរូប ក្នុងកម្មវិធីមួយនេះរួច អ្នកលេងបណ្ដាញសង្គម និងហ្វេន កាន់តែសរសើរពីនាងគ្រប់ៗគ្នាតែម្ដង៕

សូមទស្សនារូបភាពខាងក្រោម៖