ក្តៅៗ មានពាក្យ​ចចាមអារ៉ាម​ថា Ahn Hyo Seop និង Park Ji Hyun មាន​ទំនាក់ទំនង​ស្នេហា ក្រោយ...

កម្សាន្ត ÷ កាលពីថ្ងៃទី ៦ ខែមេសា កន្លងទៅនេះ ការបង្ហោះអំពីពាក្យចចាមអារាមគូស្នេហ៍មួយ បានរីករាលដាលនៅលើគេហទំព័រសហគមន៍អនឡាញ ហើយអ្នកនិយមលេងអ៊ីនធើណែតបានចែករំលែកភស្តុតាង ដែលសន្មត់ពីបណ្តាញសង្គមរបស់តារាសម្តែងទាំង២ ផងដែរ។

ក្នុងនោះ អ្នកនិយមលេងអ៊ីនធើណែតនិយាយថា Ahn Hyo Seop និង Park Ji Hyun បានចំណាយពេលជាមួយគ្នាកាលពីដើមឆ្នាំ ខណៈដែលពួកគេបានចែករំលែករូបថតនៃឆ្នាំងដីស្រដៀងគ្នាមួយ ហលយ Park Ji Hyun ក៏ត្រូវបានគេនិយាយថា បានបង្ហោះរូបថតខ្លួននាងក្នុងវ៉ែនតាជាមួយនឹងស្រមោលរបស់បុរសឆ្លុះកញ្ចក់។

ក្នុងនោះ មានការរំពឹងទុកថា Ahn Hyo Seop និង Park Ji Hyun កាន់តែស្និទ្ធស្នាលជាងមុន បន្ទាប់ពីធ្វើការជាតារាបង្ហាញម៉ូតសម្រាប់ ម៉ាកសម្លៀកបំពាក់ Edwin ជាមួយគ្នា ក្នុងខែកញ្ញា ឆ្នាំ ២០១៧ ដល់ខែមិថុនា ឆ្នាំ ២០១៨ តែយ៉ាងណាតារាសម្តែងទាំង ២ នៅមិនទាន់ចេញមុខបកស្រាយនៅឡើយទេ៕

ប្រភព : Allkpop