បាត់ពីសិល្បៈយូរឆ្នាំ​ អ៊ុត​ ចរិយា​ ម្ចាស់បទ​ «ក្រវ៉ាន់សៀមរាប»​ មានគ្រួសារយ៉ាងក្តីសុខ

ភ្នំពេញ៖ បើបកទៅរំឮកកាលពីជាង១០ឆ្នាំមុន អតីតតារាចម្រៀងស្រីម្ចាស់បទ «ក្រវ៉ាន់សៀមរាប» អ្នកនាង អ៊ុត ចរិយា ពិតជាទទួលបានការគាំទ្រច្រើនតាមរយៈសម្លេងដ៏ពីរោះរបស់នាង រហូតធ្វើឲ្យបទចម្រៀងមួយបទនេះ រួមនិងបទមួយចំនួនទៀត នៅតែអាចធ្វើឲ្យអ្នកគាំទ្រចាក់ស្ដាប់មកដល់សព្វថ្ងៃ ទោះបីជាពេលនេះនាងបានដកខ្លួនពីសិល្បៈទៅហើយ។

ជាមួយគ្នានេះដែរ ក្រោយដើរចេញពីវិស័យសិល្បៈជាច្រើនឆ្នាំ អ្នកនាង អ៊ុត ចរិយា ក៏បានរៀបការមានគ្រួសារ និងមានកូនប្រុសស្រីចំនួន ៣នាក់ រស់នៅតាមបែបសាមញ្ញៗនៅឯស្រុកកំណើត ម្ដុំព្រែកហូរ ប្រកបមុខរបរផ្ទាល់ខ្លួន និងចំណាយពេលវេលាជាមួយគ្រួសារយ៉ាងមានសុភមង្គលខ្លាំងតែម្ដង។

យ៉ាងណាក៏ដោយ ទោះបីជាអតីតតារាស្រីរូបនេះ លែងបង្ហាញខ្លួនក្នុងកម្មវិធីសិល្បៈនានាក្ដី ប៉ុន្តែសម្រាប់នៅលើបណ្ដាញសង្គម អ្នកគាំទ្រនៅតែតាមដានពីជីវិតឯកជនរបស់នាង ពិសេសនៅពេលដែលបានឃើញពីជីវិតគ្រួសាររបស់នាងមានសុភមង្គលបែបនេះ ក្នុងនាមជាអ្នកគាំទ្រក៏សប្បាយចិត្តជំនួសផងដែរ៕

ទស្សនារូបភាពខាងក្រោម៖