សុខៗ ក្រុមហ៊ុនរបស់ ត្រចៀកកាំ ស្រាប់តែជួបរឿង….

ចិន៖ នៅថ្ងៃទី ១៧ ខែមករា Sina បានរាយការណ៍ថាតុលាការក្រុងប៉េកាំងបានបន្ថែមបំណុលថ្មីដល់ក្រុមហ៊ុន Hebao Entertainment Group ។ មូលហេតុគឺមកពីភ្នាក់ងារមួយនេះមិនបានសងប្រាក់កម្ចីទាន់ពេល។ ទឹកប្រាក់​ដែល​ពួក​គេ​ត្រូវ​បង់​គឺ ២.៦លាន​យន់ (ជិត ៤១០,០០០ ដុល្លារ)។

យោងតាម ​​Sina ក្រុមហ៊ុន Hebao Entertainment Group ត្រូវបានបង្កើតឡើងក្នុងខែមករា ឆ្នាំ ២០១៥ ដោយប្រតិបត្តិការក្នុងវិស័យផលិតកម្ម និងការចែកចាយភាពយន្ត កម្មវិធីទូរទស្សន៍ និងឈ្មួញកណ្តាលសិល្បករ។

អ្វីដែលចាប់អារម្មណ៍នោះ ក្រុមហ៊ុនមួយនេះជារបស់ Zhao Wei ជាតំណាងស្របច្បាប់ម្នាក់ក្នុងចំណោមពីររូបផ្សេងទៀត ដែលនាងបានកាន់កាប់ភាគហ៊ុន ៤.៥១% នៅក្នុង Hebao Entertainment Group ។

បើ​តាម​លោក ស៊ីណា ក្រោយពីតារាស្រី ត្រចៀកកាំត្រូវបានគេដាក់ក្នុងបញ្ជីខ្មៅហើយនោះ ​អ្នក​សិល្បៈ​ជា​ច្រើន​ បាន​ដក​ហ៊ុន​ខ្លួនចេញ​ពី​ក្រុមហ៊ុន​របស់​តារា​ស្រី​រូប​នេះ។ នាង និងស្វាមី ដែលជាពាណិជ្ជករ Huang Youlong ក៏ប្រឈមមុខនឹងការប្តឹងផ្តល់ជាច្រើនផងដែរ ពីបទបំពានកិច្ចសន្យា និងការគេចវេសមិនមានប្រាក់សងឲ្យដៃគូ គូភាគីម្ខាងទៀតដូច្នេះដែរ៕

ប្រភព៖ 

សូមទស្សនារូបភាពខាងក្រោម៖