That's Y! ត្រកូល Y បន្ទាប់នៃស្មាតហ្វូន vivo Y33s បើកធ្វើការ Pre-Order (កុម្ម៉ង់ទុកមុន) - Khmerload

That's Y! ត្រកូល Y បន្ទាប់នៃស្មាតហ្វូន vivo Y33s បើកធ្វើការ Pre-Order (កុម្ម៉ង់ទុកមុន)

https://s9.kh1.co/83/838da94a509f4b88d8a60cd6cd3abd7e2bdc9bb2.jpg
បច្ចេកវិទ្យា
 21-Sep-2021 1pm · 2 months ago

កាលពីរាត្រីថ្ងៃទី២០ ខែកញ្ញា ឆ្នាំ២០២១ ក្រុមហ៊ុនផលិតផលស្មាតហ្វូន vivo បានធ្វើការប្រកាសសម្ពោធជាផ្លូវការ ទៅលើស្មាតហ្វូនបន្ទាប់របស់ខ្លួនមួយម៉ូឌែលទៀត នៃត្រកូល Y ម៉ូឌែល vivo Y33s ដែលវាជាស្មាតហ្វូន មានរចនាបទយ៉ាងប្រណីត បំពាក់ប្រព័ន្ធកាមេរ៉ាធំ និងប្រតិបត្តិការខ្លាំង និងមានតម្លៃប្រមាណ $249 តែប៉ុណ្ណោះ។

ភ្នំពេញ៖ កាលពីរាត្រីថ្ងៃទី២០ ខែកញ្ញា ឆ្នាំ២០២១ ក្រុមហ៊ុនផលិតផលស្មាតហ្វូន vivo បានធ្វើការប្រកាសសម្ពោធជាផ្លូវការ ទៅលើស្មាតហ្វូនបន្ទាប់របស់ខ្លួនមួយម៉ូឌែលទៀត នៃត្រកូល Y ម៉ូឌែល vivo Y33s ដែលវាជាស្មាតហ្វូន មានរចនាបទយ៉ាងប្រណីត បំពាក់ប្រព័ន្ធកាមេរ៉ាធំ និងប្រតិបត្តិការខ្លាំង និងមានតម្លៃប្រមាណ $249 តែប៉ុណ្ណោះ។ ហើយនៅក្នុងព្រឹត្តិការណ៍នេះដែរឃើញថា មានការចូលរួមដោយកំពូលតារាចម្រៀង លោក ព្រាប សុវត្ថិ , លោក រៀនថត , លោក ឈិន ឈឿន , លោក វី យ៉ារ៉ូ និង កញ្ញា ជីមមី ម៉េង

បើនិយាយទៅលើគុណសម្បត្តិរបស់ vivo Y33s គឺជាស្មាតហ្វូនដែលត្រូវបានធ្វើការរចនាឡើងយ៉ាងល្អឥតខ្ចោះ ជាមួយនឹងរូបរាងដ៏ស្តើងកម្រាស់ត្រឹម 8.0mm ទម្ងន់ 182g ផ្តល់មកជាមួយនឹងជម្រើសពីរពណ៌គឺ ពណ៌ខៀវបែកទឹកក្រូច ហៅថា Midday Dream និង ពណ៌ខ្មៅរលោង ដូចកញ្ចក់ហៅថា Mirror Black។ ចំពោះផ្ទៃអេក្រង់ធំទូលាយទំហំ 6.51 អ៊ីញ មានកម្រិតបង្ហាញ FHD+ ទំហំ 2408×1080px នៅលើផ្ទៃបង្ហាញចេញសរុប 90.6% ធៀបនឹងអេក្រង់ទៅរៀងទាំងមូល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=650,h=813,q=100/b8/b8cfa184b8e899491d1a18b5b972b9f9ca31bfbe.png
ស្មាតហ្វូន vivo Y33s

រីឯសម្រាប់ផ្នែកកាមេរ៉ារបស់វាវិញ គឺត្រូវបានបំពាក់មកជាមួយនិងលែនកាមេរ៉ាក្រោយ AI 3គ្រាប់ លែនគោលទំហំ 50MP  មាន aperture 1.8 អាចផលិតសាច់វីដេអូបានក្នុងកម្រិត 1080p ក្នុងល្បឿន 30fps អាចធ្វើការថតបានជាមួយមុខងារ Portrait, Panorama, Live Photo, Slow-Mo, Time-Lapse, Pro Mode និង DOC។ ចំនែកលែនជំនួយបន្ថែម 2 គ្រាប់ទៀតមានទំហំ 2MP មាន aperture 2.4 ដូចគ្នា ដោយមួយជា Macro Lens ប្រើសម្រាប់ផ្តិតយករូបវត្ថុនៅជិតបំផុតក្នុងគម្លាត 4cm និងមួយគ្រាប់ទៀតជា Depth Sensor សម្រាប់ជំនួយក្នុងការផ្តិតយករូបភាពបែបព្រាលផ្ទៃខាងក្រោយ។

កាមេរ៉ាមុខរបស់ទូរស័ព្ទ vivo Y33s នេះ មានទំហំ 16 មេហ្គាភិចសែល កម្រិត Aperture f/2.0 មានបំពាក់មុខងារពិសេសមួយក្នុងចំណោមមុខងារផ្សេងទៀត គឺមុខងារ Super Night Selfie / Portrait / Face Beauty និង bokeh ។

https://s9.kh1.co/__image/w=650,h=650,q=100/db/db28bdd37afb9a4cccfa20396392e058b6f0df25.jpg
ស្មាតហ្វូន vivo Y33s

vivo Y33s ដំណើរការលើបន្ទះឈីប Helio G80 មានរ៉េមទំហំ 8GB បូកបន្ថែមរ៉េមជំនួយ 4GB និងមានម៉េមូរីក្នុងម៉ាស៊ីនទំហំ 128GB អាចធ្វើការបន្ថែមម៉េមូរីខាងក្រៅបានដល់ទៅ 1TB។ ហើយវាក៏ប្រតិបត្តិការដោយប្រព័ន្ធដំណើរការ Funtouch OS11.1 គាំទ្រដោយ Android 11 ថ្មទំហំធំដល់ទៅ  5000mAh ផ្តល់មកជាមួយបច្ចេកវិទ្យាសាកថ្មលឿន 18W តាមរយៈរន្ធ USB-C។

មួយវិញទៀត លោកអ្នកអាចធ្វើការ Pre-Order Y33s បានចាប់ពីថ្ងៃទី២១ រហូតដល់ថ្ងៃ៣០ ខែកញ្ញា ឆ្នាំ២០២១ ជាមួយនឹងតម្លៃត្រឹមតែ $249 រួមបន្ថែមកាដូមានដូចជា Bluetooth Speaker តម្លៃ $39 ស៊ីមកាត Smart តម្លៃ $54 និងកាស That’s Yដ៏ស្រស់ស្អាត ចំនួនមួយគូទៀតផងដែរ។

Pan Leakhena
ប៉ាន់ លក្ខិណា

អត្ថបទទាក់ទង