អង់គ្លេស៖ ខ្សែបម្រើ Bruno Fernandes បានឈ្នះពានរង្វាន់កីឡាករឆ្នើមបំផុតប្រចាំឆ្នាំរបស់ក្លិបបិសាចក្រហម Manchester United (Sir Matt Busby Player of the Year) ដែលនេះជាលើកទី២ហើយដែលគេស្រវាយកពានរង្វាន់ដ៏គួរឲ្យរំភើបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកគាំទ្ររបស់ Manchester United ទូទាំងពិភពលោកបានបោះឆ្នោតឲ្យគេឈ្នះពាននេះដោយទទួលបានលទ្ធផលសំឡេងឆ្នោតដល់ទៅ៦៣ភាគរយ បន្ទាប់ពីកីឡាករសញ្ជាតិព័រទុយកាល់រូបនេះរកបាន២៨គ្រាប់និងស៊ុតបញ្ចូលទី១៧គ្រាប់នៅរដូវកាលនេះ។
ឯជ័យលាភីរងបានទៅលើខ្សែការពារ Luke Shaw ដែលកំពុងឡើងជើងជាខ្លាំង ខណៈលេខ៣បានទៅលើ ខ្សែប្រយុទ្ធ Edinson Cavani ដែលទើបតែផ្ទេរមកទឹកដី Old Trafford បានមួយឆ្នាំ។
ខ្សែប្រយុទ្ធវ័យក្មេង Mason Greenwood ជាប់ចំណាត់ថ្នាក់លេខ៤ ឯ Marcus Rashford ដែលទើបជាពីរបួសនៅរដូវកាលនេះទទួលបានលេខ៥ផងដែរ។
Bruno Fernandes ផ្ទេរមក Man UTD នៅខែមករាឆ្នាំមុន ប៉ុន្តែចំណាយពេលត្រឹមមួយឆ្នាំជាង គេបានវិវត្តន៍ខ្លួនក្លាយជាកីឡាករស្នូលដែលក្រុមមិនអាចខ្វះបាន ហើយថ្មីៗនេះគេទើបតែបំបែកកំណត់ត្រារបស់អតីតខ្សែបម្រើ Frank Lampard ដោយក្លាយជាខ្សែបម្រើដែលរកគ្រាប់បាល់បានច្រើនបំផុតនៅ Premier League បើគិតក្នុងមួយរដូវកាលទើបវាពិតជាស័ក្តិសមដែលគេទទួលបានពានដ៏ពិសេសនេះ៕
ប្រភព៖ unitedinfocus
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប