រំឭក​​នាំតែ​តឹងទ្រូង! អតីតកាល​ខ្លះ​ មិន​ចាំ​បាច់​ងាក​ទៅ​មើល​វា​ក៏​បាន គួរ​សំឡឹង​​ទៅ​​មុខ​​ហើយ​​តាំង​​ជំហរ​ឲ្យល្អជាងមុន - Khmerload

រំឭក​​នាំតែ​តឹងទ្រូង! អតីតកាល​ខ្លះ​ មិន​ចាំ​បាច់​ងាក​ទៅ​មើល​វា​ក៏​បាន គួរ​សំឡឹង​​ទៅ​​មុខ​​ហើយ​​តាំង​​ជំហរ​ឲ្យល្អជាងមុន

https://s9.kh1.co/76/7663a8191da1385cefac077740872fd9ae75b25d.jpg
ប្រលោមលោក & អប់រំ
 01-Apr-2021 4pm · 8 months ago

អតីតកាលខ្លះដែលបានកន្លងផុត មិន​ចាំ​បាច់​ងាក​ទៅ​មើល​វា​ក៏​បាន គួរ​សំឡឹង​​ទៅ​​មុខ​​ហើយ​​តាំង​​ជំហរ​ឲ្យល្អជាងមុន

មនុស្សម្នាក់ៗគឺសុទ្ធតែមានអតីតកាលជាការចងចាំ។ អ្នកខ្លះមានការចងចាំល្អច្រើនជាងមិនល្អ ប៉ុន្តែអ្នកខ្លះមានការ​ចងចាំ​មិនល្អច្រើនជាងល្អ។ តាំងពីកុមារភាពរហូតដល់ពេលនេះគឺមានរឿងរ៉ាវច្រើនណាស់ដែលបានកើតឡើង មានទាំង​ការ​ប្រមាទ មាក់ងាយ ការបោកប្រាស់ និងការចងចាំផ្សេងៗទៀត។ សម្រាប់ការចងចាំពីកុមារភាពភាគច្រើន​គឺជា​ការ​ចង​ចាំ​ដែលសប្បាយៗ គ្រប់ពេលនឹកឃើញអាចឲ្យយើងញញឹមបានស្ទើរតែគ្រប់រឿង​ដែលបានកើតឡើង​នៅពេល​នោះ។ ចំណែកឯរឿងរ៉ាវស្នេហាពីអតីតជាការចងចាំ ដែលភាគច្រើនបានបង្កប់នូវភាពឈឺចាប់។

https://s9.kh1.co/__image/w=640,h=427,q=100/1e/1e94c4442d6d519ac2ce0864ff3f2453b3cfe6f2.png
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាពឈឺចាប់ពីការក្បត់ចិត្តរបស់ភាគីម្ខាងទៀត បែកព្រោះគ្រួសារ​ ឬដោយមូលហេតុផ្សេងៗ​ហើយការ​ឈឺចាប់ពីការ​ឃ្លាត​ចាកមនុស្សដែលខ្លួនស្រលាញ់ ពិតណាស់គឺជាអារម្មណ៍មួយដែលមនុស្សគ្រប់គ្នាពិបាកទទួលយកបំផុត។ ប៉ុន្តែទោះបីឈឺចាប់ខ្លាំងប៉ុណ្ណាក៏ដោយ ក៏សូមប្រាប់ខ្លួនឯងថាវាជាអតីតកាលវាក៏បាន​កន្លងផុតទៅហើយ​ឈប់សោក​សៅ​ជាមួយវាទៀតទៅ។

https://s9.kh1.co/__image/w=650,h=434,q=100/4f/4fdd9ff7946b5b0cc0c74aa544672dd4e67c01ae.jpg
រូបតំណាង

កុំងាកក្រោយទៅមើលវាទៀតធ្វើអី រៀបចំជីវិតសារជាថ្មីហើយព្យាយាមធ្វើដំណើរទៅមុខបន្តទៀត។ ជួនកាលអាចនឹង​មានអ្វីដែលល្អ​កំពុង​រង់ចាំអ្នកនៅខាងមុខ​ក៏អាចថាបានរឿងមិនល្អដែលបានកើតឡើងពីអតីតកាលវាគឺជាមេរៀនដំបូង​សម្រាប់ដំណើរជីវិតមួយនេះ ទុកវាជាបទពិសោធន៍ហើយត្រូវប្រាប់ខ្លួនឯងជារឿយៗកុំឲ្យកំហុស​ដដែលៗ​កើតឡើង​ទៀត​។

ញញឹម ហើយរឹងមាំឡើង! រឿងល្អៗកំពុងតែរង់ចាំអ្នក៕

https://s9.kh1.co/__image/w=640,h=427,q=100/44/44a4c81adc1074c6e8575516b30b7f2f57a7002d.png
រូបតំណាង
https://s9.kh1.co/__image/w=650,h=506,q=100/f1/f1d8af1705f0e4a937cc344e24083ca1f7329118.jpg
រូបតំណាង


Pen Sreypov
Pov (C)

អត្ថបទទាក់ទង