នៅកម្ពុជា យុវជនត្រូវបានគេឲ្យនិយមន័យថា ជាបុរស ស្ត្រី ដែលមានអាយុ១៥ ឆ្នាំ ដល់ ៣០ឆ្នាំ (ប្រែប្រួលអាស្រ័យបរិបទ)។ ពួកគេអាចនៅលីវ ឬរៀបការហើយ។ ម្យ៉ាងវិញទៀតយុវជន ជាវ័យមួយដែលពោលពេញទៅដោយកម្លាំងប្រាជ្ញា និងស្មារតីដ៏រឹងមាំបំផុតជាងវ័យណាៗទាំងអស់។ ក៏ប៉ុន្តែក្នុងវ័យនេះ ពួកគេរមែងប្រឈមនូវរឿងរ៉ាវជាច្រើនក្នុងជីវិត នៅក្នុងនោះក៏មាន ពាក្យ ៣ ឃ្លាដែលជាកង្វល់ និងប៉ះពាល់ដល់យុវជននៅពេលពេញវ័យផងដែរ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពាក្យទី១ : ជំនាញ
យុវជនចាប់ផ្តើមត្រូវគិត ពីជំនាញដែលពួកស្រលាញ់ ឬចង់សិក្សាចាប់ពីអាយុ ១៥ ឬ ១៦ឆ្នាំឡើងទៅ ពីព្រោះនៅក្នុងវ័យនេះពួកគេមានចំណេះដឹងល្មម និងអាចគិតពីជំនាញបានហើយ ។ ពីព្រោះតែពាក្យថា "ជំនាញ" នេះយុវជនត្រូវខ្វាយខ្វាល់ពីវាយ៉ាងខ្លាំងបំផុត ក៏ព្រោះថាបើគេរើសជំនាញខុសគេ ប្រាកដជាមិនអាចសិក្សាបានលទ្ធផលល្អទេ ។
ពាក្យទី២ : គោលដៅ
មនុស្សត្រូវការមានគោលដៅជីវិត មួយពីព្រោះវាប្រៀបបាននឹងត្រីវិស័យ សម្រាប់តម្រង់ឲ្យជីវិតនេះទទួលបានភាពជោគជ័យ។ ក៏ប៉ុន្តែពាក្យថា " គោលដៅ" មួយនេះ ក៏អាចមានការផ្លាស់ប្តូរបានដដែរ ពួកកាលៈទេសៈ វាមិនសមស្របនោះឯង។ អ្នកអាចសង្កេតឃើញនៅក្នុងសង្គមជាក់ស្តែងបាន មានមនុស្សជាច្រើនមែនទែន ដែលបានចូលបំរើការងារខុសពីជំនាញនៅឧត្តមសិក្សា។ នេះក៏ព្រោះថាកាលពីពួកគេរៀនជំនាញនោះដោយសារ ពេលនោះជំនាញដែលពួកគេរៀនជាប្រភពចំណូលដ៏សំខាន់ តែក្រោយមកវាមិនមែនទៀតទេ។
ពាក្យទី៣ : អនាគត
ចាប់តាំងពីមនុស្សមកដល់វ័យជាយុវជនមក ពួកគេបានតែងតែខ្វល់ខ្វាយទៅដល់ពាក្យមួយឃ្លាទៀតនោះគឺ
"អនាគត " ដែលនេះជាពាក្យកំណត់ដល់រឿងមិនទាន់់កើតឡើងនៅឡើយ។តែវានៅតែជាអ្វីដែលមនុស្សគិតដល់ជានិច្ច។ ចំពោះយុវជន ពួកគេក៏គិតពីអនាគតដែលថាវានិងទៅជាយ៉ាងណា បើសិនជាស្ថានភាពបច្ចុប្បន្នរបស់ពួកគេមិនទាន់ល្អ ឬមានចំំណុចខ្វះខាតមួយចំនួន ពុំទាន់សមស្របតាមគោលដៅដែលពួកគេបានដៅផងនោះ ។
សរុបមកវិញ ទោះបីពាក្យទាំង ៣ឃ្លានេះបានធ្វើឲ្យយុវជនមានការខ្វល់ខ្វាយខ្លាំងគួរសម។ យុវជនគួរប្រឹងក្រោកឈរឡើងរួចបន្តដើរក្នុងវិថីជីវិត ដែលពួកគេបានជ្រើសរើស តាំងពីពាក្យដំបូងថា "ជំនាញ " និង "គោលដៅ" នេះឲ្យអស់ពីសមត្ថភាព ព្រមទាំងកម្លាំងកាយចិត្តពីព្រោះអាចបង្ហាញជាក់ស្តែងនូវលទ្ធផលដ៏ប្រពៃមួយ ដែលជួយឲ្យអនាគតរបស់យុវជនទាំងឡាយមានភាពល្អប្រសើរ និងស្រស់ត្រកាល៕