ផលិតកម្ម​​រ​បស់ BTS កំពុងជ្រើស​​រើស​ «អ្នកច្នៃ​ម៉ូត​​» សំលៀក​បំពាក់​​ថ្មី​

កូរ៉េខាងត្បូង៖ ក្រុមតារាចម្រៀងបុរសដ៏ល្បីល្បាញ BTS នៃផលិតកម្ម Bighit ដែលមានសមាជិក ៧នាក់ ឥលូវនេះ​ផលិត​កម្មរបស់់ពួកគេកំពុងតែខ្នះខ្នែងក្នុងការស្វែងរកអ្នកច្នៃម៉ូតសំលៀកបំពាក់​សម្រាប់ផលិតកម្មរបស់​ពួកគេ​ផងដែរ​។ ​

នៅថ្ងៃទី៣ ខែកុម្ភៈ មានអ្នកលេងអ៊ីនធើណេតម្នាក់ បានបង្ហោះព័ត៌មានទាក់ទងនឹងផលិតកម្មរបស់ BTSថា កំពុង​ជ្រើសរើស​អ្នកច្នៃម៉ូត​សំលៀកបំពាក់របស់តារាខ្លួន ដែលមានភាពច្នៃប្រឌិតខ្ពស់សម្រាប់ក្រុមពួកគេក៏ដូចជាតារាក្នុង​ផលិតកម្មរបស់ខ្លួន។ 

ជាក់ស្តែងមានមតិជាច្រើនពីសំណាក់អ្នកគាំទ្ររបស់ BTS (Army) ដែលបានសំណូមពរផលិតកម្មអោយជ្រើសរើស​អ្នកច្នៃម៉ូតសំលៀកបំពាក់ថ្មីដែលមានភាពច្នៃប្រឌិតខ្ពស់ជាងនេះ ដោយសារតែពេលខ្លះ សំលៀកបំពាក់​ដែល​ចេញមក​គឺមិនសាកសមនឹងពួកគេទាល់តែសោះ។

ហ្វេននៅក្នុងប្រទេសក៏ដូចជាក្រៅប្រទេស មានការខកចិត្តជាខ្លាំងដោយ​ឃើញ​សំលៀក​បំពាក់​របស់សមាជិកខ្លះហាក់​ដូចជាមិនត្រូវបានគេយកចិត្តទុកដាក់ក្នុងការតុបតែងអោយ ជាក់ស្តែង​ដូច​ជា​ពេល​ពួកគេត្រូវថតផ្សាយអោយក្រប​ទស្សនា​វដ្តីរបស់ "Time Magazine" ហើយក៏ដូចជាពេល BTS ចូលរួម​កម្មវិធី "Golden Disk Award" កាលពី​ថ្ងៃទី១០ ខែមករានេះផងដែរ។ 

មានមតិភាគច្រើនពីអ្នកគាំទ្រដែលពួកគេពិតជាសប្បាយចិត្តដែលក្រុមហ៊ុនរបស់ BTS មានគំនិតក្នុងការស្វែងរក​ច្នៃ​ម៉ូដ​​សំលៀកបំពាក់ថ្មីអោយពួកគេផងដែរ៕