កូរ៉េខាងត្បូង ៖ ក្រុមតារាចម្រៀង BTS ដែលប្រិយមិត្តប្រាកដជាបានស្គាល់រួចមកហើយ អំពីភាពជោគជ័យ និងល្បីល្បាញយ៉ាងខ្លាំង នាពេលបច្ចុប្បន្ននេះ ទោះជាយ៉ាងណាក៏ពួកគេ មានអតីតកាលដែលមិនអាចបំភ្លេចបាន ព្រមជាមួយនឹងទុកលំបាកផ្សេងៗ មុននឹងទទួលបានជោគជ័យ មានកេរ្តិ៍ឈ្មោះនៅលើពិភពលោក ដូចជាសព្វថ្ងៃនេះ។

ជាមួយគ្នានេះដែរ សមាជិកកូនពៅរបស់ក្រុម BTS គឺ Jungkook ធម្មតាគឺចូលចិត្តលេងសើចជាមួយនឹងសមាជិកផ្សេងទៀត ជាមួយនឹងភាពរីករាយ ហើយលោកក៏ជាសមាជិកម្នាក់ ដែលមានសមត្ថភាពខ្ពស់ផងដែរ។​

ទោះជាបែបនេះក្តី ក៏ Jungkook មានទុកលំបាក និងកង្វល់ជាច្រើនផងដែរ នៅក្នុងជីវិតជាតារារបស់លោក។

ក្នុងនោះដែរ Jungkook ក៏ធ្លាប់បានទម្លាយវាចេញមកខ្លះៗផងដែរ។

ខាងក្រោមនេះជារឿងរ៉ាវមួយចំនួន ដែលអ្នកប្រហែលជាមិនបានដឹង ​អំពី Jungkook ហើយវាក៏អាចធ្វើឲ្យអ្នកយំបាន!

ចង់ដឹងថាមានអ្វីខ្លះ??

សូមទស្សនាការបង្ហាញដូចខាងក្រោម ៖

១. Jungkook ពិតជាឯកោណាស់​ ពេលលោកផ្លាស់មកទៅទីក្រុង Seoul ដំបូង

Jungkook បានប្រាប់ Kang Ho Dong ក្នុងកម្មវិធី Give Me A Meal ថាលោកមានបញ្ហាជាច្រើនដែលជួបប្រទះ ក្រោយលោកសម្រចចិត្ត ចាកចេញពីស្រុកកំណើតមកទីក្រុង Seoul ដើម្បីបន្តក្តីស្រម៉ៃ តាំងពីវ័យជំទង់ ហើយលោកត្រូវរស់នៅជាអ្នកហ្វឹកហាត់ ដ៏ឯការម្នាក់នៅទីនេះ ព្រោះលោកមិនស្គាល់អ្នកណាម្នាក់សោះ។

២. Jungkook មានអារម្មណ៍ថា លោកបានពាក់របាំងមុខគ្រប់ពេល

នៅលើការចាក់ផ្សាយដដែលនោះ Jungkook បានពន្យល់ថា ដោយសារតែលោកធ្លាប់តែនៅឯកាម្នាក់ឯង ពេលដែលលោកជួបនឹងអ្នកដទៃដំបូង ធ្វើឲ្យលោកគ្មានអារម្មណ៍ជឿជាក់។

Jungkook បានបន្តថា ៖

៣. Jungkook មិនបើកចំហអំពីអារម្មណ៍របស់លោកទេ ប៉ុន្តែលោកនឹងបង្ហាញវាតាមរយៈសកម្មភាព

លោកបានបង្ហាញថា លោកយកចិត្តទុកដាក់ចំពោះសមាជិកផ្សេងទៀតខ្លាំងណាស់ ដោយជួយពួកគេតាមដែលអាចធ្វើទៅបាន។ ហើយព្រួយបារម្ភអំពីពួកគេ និងនៅទីនោះ សម្រាប់ពួកគេគ្រប់ពេល។

៤. Jungkook អាចយំបានយ៉ាងងាយ

Jungkook បានពន្យល់ពីមូលហេតុដែលគាត់ ចាប់ផ្តើមយំនៅចុងបញ្ចប់នៃការប្រគុំតន្រ្តីដំបូងរបស់ BTS នៅពេលដែលលោកអរគុណដល់អ្នកគាំទ្រ គឺ Jungkook ​មិនអាចគ្រប់គ្រងអារម្មណ៍របស់លោកបានទេ នៅពេលចាប់ផ្តើមនិយាយ។

Jungkook ​បាននិយាយក្នុងកម្មវិធីវិទ្យុថា ៖

៥. ការព្រួយបារម្ភរបស់ Jungkook មិនមែនសម្រាប់ខ្លួនលោកទេ

RM បានពន្យល់ថា ជាលើកដំបូងដែលគាត់បានឃើញ Jungkook យំ គឺនៅពេលដែល Jungkook ចាប់ផ្តើមនិយាយអំពី ការលំបាករបស់ខ្លួនពេលដែលឃើញសមាជិកផ្សេងទៀត នៅក្នុងក្រុម កំពុងជួបការលំបាក។

៦. Jungkook មិនដែលភ្លេចអ្នកមានគុណរបស់លោកទេ

នៅថ្ងៃខួបកំណើតគម្រប់ ១៩ ឆ្នាំរបស់ Jungkook ​ក្នុងអំឡុងពេលសម្ភាសន៍ លោកមិនស្ទាក់ស្ទើរនៅពេលគេសួរថា តើអ្នកណាដែលលោកចង់អរគុណបំផុត។ 

Jungkook ​បាននិយាយថា ៖

៧. Jungkook តែងតែបង្ខំខ្លួនឯង មិនឲ្យទន់ជ្រាយ

នៅពេល Jungkook ​ស្ទើរតែដួលសន្លប់ ដោយសារតែការអស់កម្លាំងខ្លាំង ក្នុងកំឡុងពេលការប្រគុំតន្រ្តី Wings លោកបានស្តីបន្ទោសខ្លួនឯងចំពោះ សមត្ថភាពរបស់លោក។

RM បាននិយាយថា Jungkook មិនដែលបង្ហាញពីភាពនឿយហត់របស់គេទេ ដូច្នេះវាបានក្លាយជាការភ្ញាក់ផ្អើលមួយ ដែល Jungkook ​ស្ទើរតែដួលសន្លប់នៅលើឆាក។ Jungkook នៅតែបន្តរុញច្រានខ្លួនឯង ហើយមិនដែលបង្ហាញភាពទន់ជ្រាយ ឲ្យសមាជិកណាម្នាក់ឃើញឡើយ។

៨. Jungkook ពិតជាស្រលាញ់អ្នកគាំទ្ររបស់លោកណាស់

បុគ្គលិកលក្ខណៈដ៏ស្មោះត្រង់របស់ Jungkook បានបង្ហាញនៅពេលដែល លោកកំពុងនិយាយជាមួយនឹងអ្នកគាំទ្រ នៅក្នុងព្រឹត្តិការណ៍ Fan-Sign។​ នៅពេលដែលអ្នកគាំទ្ររបស់លោកយំ Jungkook ព្យាយាមលួងលោមពួកគេដោយកាយវិការ និងពាក្យសំដីដ៏ផ្អែមល្ហែមរបស់លោក៕