ធ្វើអ៊ីចឹងបានទៀត! កីឡាការិនីជប៉ុនម្នាក់នេះផ្លាស់មកលេងរួមគ្នាជាមួយក្រុមបាល់ទាត់បុរស

បរទេស៖ ថ្មីៗនេះកីឡាការិនី Yuki Nagasato​ បានផ្លាស់ចេញពីក្រុមបាល់ទាត់នារីរបស់ក្លិប Chicago Red Stars នៅសហរដ្ឋអាមេរិក មកចូលរួមជាមួយក្រុមបាល់ទាត់បុរសរបស់ក្លិបជប៉ុន Hayabusa Eleven ក្នុងកិច្ចសន្យាខ្ចីជើងរយៈពេលមួយឆ្នាំ។

មូលហេតុដែលមកចូលរួមជាមួយក្រុមបុរសរបស់ក្លិប Hayabusa Eleven ដូចនេះ ដោយសារតែរូបនាងចង់មកលេងរួមគ្នាជាមួយបងប្រុសបង្កើត ដែលកំពុងលេងឲ្យក្លិបមួយនេះដែរនោះ។ គួរឲ្យដឹងដែរថាក្លិប Hayabusa Eleven មិនស្ថិតក្នុងក្រមខ័ណ្ឌកំពូលរបស់ជប៉ុននោះទេ ពោលនៅក្រោមក្របខ័ណ្ឌ J-League ច្រើនថ្នាក់ណាស់។

កីឡាការនីវ័យ៣៣ឆ្នាំរូបនេះ ជាសមាជិកម្នាក់ដែលជួយឲ្យជម្រើសជាតិជប៉ុនលើកពាន World Cup នារីក្នុងឆ្នាំ២០១១។ ហើយបន្ទាប់ពីផ្លាស់ទៅលេងឲ្យក្លិប Chicago Red Stars ក្នុងក្របខ័ណ្ឌកំពូលនៃបាល់ទាត់នារីរបស់សហរដ្ឋអាមេរិក NWSL កាលពីឆ្នាំ២០១៧ ខ្សែប្រយុទ្ធរូបនេះបង្ហាញខ្លួនបានចំនួន៥២ប្រកួតឲ្យក្លិប៕ 

ប្រភព៖ cbssports