មិនធម្មតា OPPO ដាក់លក់ស្មាតហ្វូនស៊ែលហ្វីសាហាវ Reno3 ទំហំយក្ស 44MP តម្លៃ $359 និងជាមួយរៀមច្បង កាមេរ៉ាទម្លុះអេក្រង់ Reno3 Pro ទំហំ 44MP+2MP តម្លៃ $599!

ភ្នំពេញ៖ ក្រុមហ៊ុន OPPO ដាក់លក់ទូរស័ព្ទពេញនិយមស៊ែលហ្វីសាហាវ OPPO Reno3 កាមេរ៉ាមុខទំហំធំជាងគេរហូត 44MP តម្លៃ $359 និង OPPO Reno3 Pro កាមេរ៉ាភ្លោះមុខទម្លុះអេក្រង់ទំហំ 44MP+2MP តម្លៃ $599 ពិសេសក៏បើកលក់កាសកាលីបឥតខ្សែ OPPO Enco W31 តម្លៃត្រឹមតែ $59 ចាប់ពីថ្ងៃទី02 មេសានេះតទៅ ដើម្បីបំពេញតម្រូវការអតិថិជន ពិសេសជិតដល់រដូវចូលឆ្នាំថ្មីដែលខិតជិតចូលមកដល់ផងដែរ។

រាល់ការជាវ Reno3 តម្លៃ 359$ ទទួលបាន Power Bank 10000mAh និងស៊ីមស្មាតលេខពិសេស Silver ជាមួយនឹងគម្រោង Internet កញ្ចប់ធំហ្មង៎ 12សប្តាហ៍ និង Reno3 Pro តម្លៃ 599$ ទទួលបានកាតាបស្ពាយដ៏ស្រស់ស្អាត។

OPPO Reno3 ត្រូវបានរចនាឡើងដ៏ស្រស់ស្អាតមានពីរពណ៌គឺ ពណ៌ខ្មៅបែកខៀវ (Midnight Black) និង ពណ៌គុជ​ (Sky White) ត្រូវចិត្តយុវវ័យសម័យថ្មីដែលសម្ភារៈនិយម ឡើងស៊េរី ដូរទូរសព្ទ័ញឹកតាមសម័យកាល។ វាមានកាមេរ៉ាមុខស៊ែលហ្វីធំជាងគេរហូតដល់ 44MP ជាមួយនឹងមុខងារ Ultra Night Selfie សម្រាប់ថតស៊ែលហ្វីបានស្អាតច្បាស់ពេញចិត្តគ្រប់ប៉ុស្តិ៍ ពិសេសពេលយប់ថតឥតល្ហែ លែងបារម្ភថា ខ្មៅ ឬមិនច្បាស់ ឬមិនស្អាតហើយ។

OPPO Reno3 បំពាក់កាមេរ៉ាក្រោយ 4គ្រាប់ ថតបានរហូតដល់ 108MP ដែលកាមេរ៉ាទី1 មានទំហំ 13MP មានកម្រិត f/2.4 ជាប្រភេទ Telephoto Lens សម្រាប់ថតហ្សូម។ វាមានបំពាក់នូវបច្ចេកវិទ្យាថតហាយប្រីតហ្សូមបាន 5ដង និងថតឌីជីថលហ្សូមបាន 20ដង សម្រាប់ការថតរូបបានកាន់តែឆ្ងាយ។ កាមេរ៉ាទី2 មានទំហំ 48MP ជាកាមេរ៉ាមេដែលមានសមត្ថភាពផ្តិតយករូបភាពបានយ៉ាងច្បាស់គ្រប់ប៉ុស្តិ៍ ស្អាតគ្រប់ពេល មិនថាព្រឹក ថ្ងៃ យប់។ ជាមួយនឹងបច្ចេកវិទ្យាគណនាប្លង់រូបភាព Ultra HDR និង Super-Resolution ធ្វើឲ្យវាមានសមត្ថភាពក្នុងការបង្កើតរូបភាពទំហំរហូតដល់ទៅ 108MP ថតច្បាស់ដិតគ្រប់ចំណុច។ កាមេរ៉ាទី3 មានទំហំ 8MP សម្រាប់ថតប្លង់ទូលាយរហូតដល់ទៅ 119ដឺក្រេ អាចថតរូបមនុស្សឃើញជើងស្រឡូន ខ្ពស់ស្អាត ថតរូបជួបជុំក្រុមគ្រួសារមិនចាំបាច់ដើរថយក្រោយ ថតទេសភាពបានកាន់តែទូលាយពេញភ្នែក និងសម្រាប់ថតរូបជិតៗបែបម៉ាក្រូ 3cm បានយ៉ាងល្អស្អាតកប់ចិត្តតែម្តង។ កាមេរ៉ាទី4 មានទំហំ 2MP សម្រាប់ជំនួយដល់ការថតបែបសខ្មៅ។

ជាងនេះទៅទៀតក៏មានបំពាក់មុខងារល្អៗមួយចំនួនដូចជា Ultra Dark Mode 2.0 សម្រាប់ជំនួយដល់ការថតនៅកន្លែងងងឹតខ្លាំង ឬស្ទើពន្លឺឱ្យកាន់តែច្បាស់ស្អាត មុខងារ Video Bokeh សម្រាប់ថតវីដេអូព្រាលផ្ទៃខាងក្រោយ ថតវីដេអូកម្រិត 4K និង Ultra Steady Video 2.0 សម្រាប់ជំនួយដល់ការទប់លំនឹងវីដេអូកាន់តែប្រសើរ ដែលមុខងារទាំងអស់នេះ សុទ្ធសឹងតែជាមុខងារដែលបំពាក់លើទូរស័ព្ទតម្លៃខ្ពស់។

OPPO Reno3 រួមមកជាមួយនឹងប្រព័ន្ធដំណើរដោយ Android 10 ជាមួយផ្ទៃបង្ហាញជំនាន់ចុងក្រោយ ColorOS7 ពិសេសមានរ៉េម 8GB មុខងរ Game Space និងអង្គផ្ទុកទិន្នន័យ 128GB ទំហំថាមពលថ្ម 4025mAh អមជាមួយនឹង បច្ចេកវិទ្យាសាកថ្មលឿន VOOC3.0 Flash Charge ប្រើប្រាស់ស៊ីមបាន2 និងមានរន្ធសម្រាប់បន្ថែម Micro SD Card ខាងក្រៅដល់ 256GB មានមុខងារកាត់តវីដេអូ Soloop ជំនាន់ថ្មី 2.0 និង មុខងារ Multi-User ទូរស័ព្ទមួយជាមួយគណនី5។

ចំណែក OPPO Reno3 Pro ជាស្មាតហ្វូនថតរូបស៊ែលហ្វីល្អឯកទំហំធំជាងគេរហូតដល់ 44MP+2MP (កាមេរ៉ាទម្លុះអេក្រង់ភ្លោះ) ជាមួយនឹងអេក្រង់ធំច្បាស់ត្រជាក់ភ្នែកបែបធម្មជាតិទំហំ 6.4” Super AMOLED លាតពេញ ជាមួយនឹងកាមេរ៉ា 4គ្រាប់ 13MP+64MP+8MP+2MP ថតរូបច្បាស់ស្អាតគ្រប់ប៉ុស្តិ៍គ្រប់ពេល។ OPPO Reno3Pro បំពាក់មកជាមួយបន្ទះឈីបខ្លាំង  MediaTek  Helio P95 ដំណើរការ Android 10 ជាមួយផ្ទៃបង្ហាញជំនាន់ចុងក្រោយ ColorOS7 ដែលកាន់តែសាមញ្ញងាយស្រួលប្រើ ជាមួយនឹងពណ៌ប៊ូតុង ងាយស្រួលប្រើ ជាមួយនឹងថាមពលថ្មធំទំហំ 4025mAh បំពាក់បច្ចកវិទ្យាសាកថ្មលឿននោះលឿន VOOC4.0 (30W) Flash Charge សាកតែ20នាទី បាន 50% ប្រើបានមួយថ្ងៃ ។ Reno 3Pro មានរ៉េម 8GB និងអង្គផ្ទុកទិន្នន័យធំ 256GB អស់បារម្ភពីការរក្សាទិន្នន័យដូចជា រូបភាព វីដេអូ តន្ត្រី ខ្សែភាពយន្ត​ ​APP ឬ Games បានយ៉ាងច្រើនជាមួយនឹងល្បឿនដំណើរការមានភាពរលូនល្អ គ្មានភាពរអាក់រអួល ដោយទំហំនឹងល្បឿនស្មើនឹងលំដាប់ស្មាតហ្វូនកំពូលៗថ្លៃៗ​​។

សរុបមកជ្រើសរើសយកទូរស័ព្ទ OPPO Reno3 ដែលជាស្តេចស៊ែលហ្វីជាមួយនឹងសករាជជំនាន់ថ្មីនៃអ្នកឯកទេសស៊ែសហ្វីសាហាវទំហំធំជាងគេរហូតដល់​ 44MP តម្លៃ 359$ និង OPPO Reno3 Pro ទំហំ 44MP+2MP ពិតជាមិនស្តាយលុយ ព្រោះបានទាំងស្មាតហ្វូនថតរូបស្អាតគ្រប់ពេលគ្រប់ប៉ុស្តិ៍ ចំណេញទាំងកាដូ និងការធានាលើគ្រឿងម៉ាស៊ីនទូរស័ព្ទពេញមួយឆ្នាំ និងសេវាជួសជុលទូរស័ព្ទរហ័សទាន់ចិត្តត្រឹមតែរយៈពេល1ម៉ោង នៅមជ្ឈមណ្ឌលជួសជុលទូរស័ព្ទដៃ OPPO ទាំង 11 សាខាទូទាំងប្រទេស៕