ភ្នំពេញ៖ ផ្សារទំនើប «EXCHANGE SQUARE» បានរៀបចំកម្មវិធីពិសេសមួយដល់អតិថិជនរបស់ខ្លួន ក៏ដូចជាមហាជនទូទៅដើម្បីចូលរួមអបអរថ្ងៃបុណ្យ «Christmas» ដែលមានរយៈពេល៣ថ្ងៃ ពោលគឺនៅថ្ងៃទី១៣, ១៤ និង១៥ ខែធ្នូ ឆ្នាំ២០១៩នេះ ដែលបានចាប់ពីម៉ោង ៤ល្ងាច ដល់ម៉ោង ១០យប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
តំណាងផ្សារទំនើប «EXCHANGE SQUARE» បានថ្លែងឲ្យដឹងថា៖
កម្មវិធីរយៈពេល៣ថ្ងៃនេះ មានសកម្មភាពកម្សាន្តពិសេសៗជាច្រើន ក្នុងនោះគេឃើញមានដូចជា លោកតា Santa ចែកស្ករគ្រាប់, មានការតុបតែងនំ Cookie, ការតាំងបង្ហាញផ្ទាំងគំនូរពីសិល្បៈករ, មានការសម្តែងព្យាណូ, ការគូរលើមុខ ការកាច់ប៉េងប៉ោង និងការថតរូបភ្លាមយកភ្លាម។
គាត់បានបន្តទៀតថា៖
ក្រៅពីនោះ ក៏មានការប្រគំតន្រី្តផ្ទាល់ មានការច្រៀងចម្រៀងជាក្រុមលក្ខណះគ្រីស្ទម៉ាសខារ៉ូល, មានការបាញ់ព្រិល, ការលក់ម្ហូបអាហារ និងភេសជ្ជៈជាច្រើនមុខ ហើយជាពិសេសមានបញ្ចាំងភាពយន្តគ្រីស្ទម៉ាសនៅចុងកម្មវិធីផងដែរ។
គួរបញ្ជាក់ថា កម្មវិធីនេះបានប្រារព្ធឡើងនៅទីតាំង ផ្សារទំនើប «EXCHANGE SQUARE» ដែលមានអាសយដ្ឋាន ផ្លូវលេខ 106 ភ្នំពេញ, ពោលគឺនៅក្នុងទីតាំងផ្សារទំនើប EXCHANGE SQUARE តែម្ដង សូមអញ្ជើញចូលរួមអោយបានច្រើនកុះករនៅថ្ងៃនេះនិងនៅថ្ងៃស្អែក។ សូមកុំឱ្យឱកាសដ៏ល្អនេះកន្លងផុតទៅឱ្យសោះ៕
Bong I.T