ក្រុមហ៊ុន DKSH Cambodia ទទួលបានពានរង្វាន់ចំនួនពីរ ពីក្រុមហ៊ុន​ World Human Resource Development!

ភ្នំពេញ៖ នៅក្នុងកម្មវីធីសន្និសិទ្ធិប្រចាំឆ្នាំដែលរៀបចំដោយក្រុមហ៊ុន​ World Human Resource Development ក្រុមហ៊ុន DKSH Cambodia ទទួលបានពានរង្វាន់ចំនួនពីរ គឺពានរង្វាន់ “Best Employer Brand Award 2020” និងពានរង្វាន់ “Award for Excellence in Improving Business Performance through Leadership”។

ថ្មីៗនេះក្រុមហ៊ុន DKSH Cambodia ដែលជាក្រុមហ៊ុនផ្តល់សេវាកម្មពង្រីកទីផ្សារឈានមុខគេ ចំពោះក្រុមហ៊ុនដែលចង់ពង្រីកអាជីវកម្មរបស់ខ្លួននៅក្នុងប្រទេសកម្ពុជា​នោះ បានទទួលនូវពានរង្វាន់កោតសរសើរសមិទ្ធផលចំនួនពីរ នៅក្នុងកម្មវិធីសន្និសិទ្ធ World Human Resource Development​។ ពានរង្វាន់ទីមួយ​គឺ “Best Employer Brand Award 2020” និងពានរង្វាន់ទីពីរគឺ “Award for Excellence in Improving Business Performance through Leadership”​ ដែលពិធីទទួលពានរង្វាន់នេះប្រព្រឹត្តិទៅនៅទីក្រុងបាងកក ដែលបានរៀបចំឡើងដោយក្រុមហ៊ុន The World HRD Congress and Star of the Industry Group។​

ពានរង្វាន់ទាំងពីរនេះ គឺជាការទទួលស្គាល់នូវសមិទ្ធផលដ៏អស្ចារ្យសម្រាប់ក្រុមហ៊ុន DKSH Cambodia ដែលត្រូវបានវាយតម្លៃដោយគណៈវិនិច្ឆ័យជំនាញពីស្ថាប័នអន្តរជាតិជ្រើសរើសស្នាដៃរបស់ខ្លួនក្នុងចំណោមក្រុមហ៊ុនចំនួន ២០ ផ្សេងៗទៀតនៅកម្ពុជា។ “Best Employer Brand Award 2020” ជាពានរង្វាន់បង្ហាញពីកម្រិតស្តង់ដារខ្ពស់របស់​ក្រុមហ៊ុនទាក់ទងទៅនឹងបរិយាកាសការងារ​ ដំណើរការគោលការណ៍ដែលត្រូវអនុវត្ត​សកម្មភាពរបស់និយោជក និងនិយោជិត និងឱកាសនៅក្នុងអាជីពការងារ។ ពានរង្វាន់ “Award for Excellence in Improving Business Performance through Leadership” គឺបង្ហាញនូវសមិទ្ធផលឆ្នើមរបស់ DKSH Cambodia ក្នុងការកសាងនូវភាពជាអ្នកដឹកនាំដ៏រឹងមាំមួយ។

លោក ​យ៉ង់ ណាវុធ នាយកប្រចាំប្រទេសផ្នែកធនធានមនុស្សរបស់​ក្រុមហ៊ុន DKSH Cambodia បានមានប្រសាសន៍ថា៖

អំពី DKSH
DKSH គឺជាក្រុមហ៊ុនផ្តល់សេវាកម្មពង្រីកទីផ្សារឈានមុខគេ ដោយផ្តោតសំខាន់ក្នុងតំបន់អាស៊ី។ ក្រុមហ៊ុនយើងជួយក្រុមហ៊ុនដទៃទៀត ក្នុងការពង្រីកអាជីវកម្ម ផ្នែកថែរក្សាសុខភាព ផ្នែកគ្រឿងឧបភោគបរិភោគ វត្ថុធាតុដើម និងផ្នែកគ្រឿងចក្រ។ ក្រុមហ៊ុនយើងផ្តល់សេវាកម្មជាច្រើនដូចជា, ការផ្តល់ទិន្នន័យផ្នែកទីផ្សារ, ការធ្វើទីផ្សារជំរុញការលក់និងការលក់, អាជីវកម្មបែបអេឡិចត្រូនិច, ការចែកចាយនិងដឹកជញ្ជូន ក៏ដូចជាសេវាកម្មក្រោយពីការលក់។ DKSH ជាក្រុមហ៊ុនដែលបានចុះបញ្ជីជាសាធារណៈនៅក្នុងផ្សារភាគហ៊ុន SIX Swiss Exchange មានទីតាំងអាជីវកម្មនៅលើទីផ្សារចំនួន ៣៦ ជាមួយបុគ្គលិកជំនាញ ៣៣.៣៥០ នាក់ មានចំនូលពីការលក់សរុប ចំនួន ១១,៦ ពាន់លានស្វីសហ្រង់ ក្នុងឆ្នាំ ២០១៩ ។ ជាមួយនឹងកេរដំណែលយ៉ាងរឹងមាំរបស់ប្រទេសស្វីស ក្រុមហ៊ុននេះមានប្រពៃណីដ៏យូរលង់ក្នុងការធ្វើអាជីវកម្មទាំងនៅក្នុង និងជាមួយតំបន់អាស៊ី ហើយក៏បានចាក់ឫសយ៉ាងជ្រៅនៅក្នុងសហគមន៍ និងអាជីវកម្មទូទាំងតំបន់អាស៊ីប៉ាស៊ីហ្វិកផងដែរ៕