អេស្ប៉ាញ៖ អ្នកចាត់ការទូទៅសញ្ជាតិអេស្ប៉ាញលោក Unai Emery ត្រូវបានគេរាយការណ៍ថា បានច្រានចោលឱកាសក្នុងការវិលត្រលប់ទៅកាន់ក្របខណ្ឌ Premier League វិញ ក្នុងការដឹកនាំក្រុម Everton ព្រមទាំងបដិសេធសំណើចំនួន២ ពីក្លិបនៅលីគកំពូលចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Emery ត្រូវបានក្លិប Arsenal បណ្ដេញចេញកាលពីខែមុន បន្ទាប់ពីលោកដឹកនាំក្រុមចាប់ផ្ដើមរដូវកាលថ្មីមិនបានល្អ។
ប្រភពព័ត៌មានមួយក្នុងប្រទេសអង់គ្លេសបានអះអាងថាក្លិប Everton ចាប់អារម្មណ៍ចង់បានគ្រូបង្វឹកវ័យ៤៨ឆ្នាំរូបនេះ ទៅដឹកនាំបន្តពីលោក Marco Silva ដែលត្រូវបានក្លិបបណ្ដេញចេញកាលពីសប្ដាហ៍មុន។
យ៉ាងណាមិញកាសែត Marca របស់ប្រទេសអេស្ប៉ាញបានបញ្ជាក់ថា លោក Emery បានបដិសេធនឹងសំណើមួយនេះ រួមជាមួយនឹងសំណើពីក្លិបពីរនៅលីគកំពូលចិន Chinese Super League ផងដែរ។
ដោយប្រភពដដែលបានបន្ថែមទៀតថា អតីតគ្រូបង្វឹកក្រុម PSG រូបនេះ បានអរគុណដល់ថ្នាក់ដឹកនាំក្លិប Everton សម្រាប់ចំណាប់អារម្មណ៍របស់ពួកគេ តែគាត់ចង់មានពេលវេលាខ្លះដើម្បីគិតគូពីជំហានបន្ទាប់ក្នុងអាជីពរបស់គាត់៕