គ្រូ RB Leipzig លោក Julian Nagelsmann បង្ហើបថាលោកមានបំណងចង់ទៅដឹកនាំក្លិបយក្សមួយនៅអេស្ប៉ាញ

អេស្ប៉ាញ៖ យោងតាមប្រភពព័ត៌មានមួយក្នុងប្រទេសអេស្ប៉ាញបានឲ្យដឹងថា គ្រូបង្វឹកក្រុម RB Leipzig លោក Julian Nagelsmann បានបង្ហើបថាលោកមានសុបិនចង់ទៅដឹកនាំក្រុម FC Barcelona នៅថ្ងៃណាមួយនាពេលអនាគត។

គ្រូបង្វឹកវ័យ៣២ឆ្នាំរូបនេះ ធ្លាប់ចំណាយពេល៣ឆ្នាំ ដឹកនាំក្រុម Hoffenheim ដោយលោកធ្លាប់មានស្នាដៃជួយក្រុមមួយនេះបញ្ចប់នៅចំណាត់ថ្នាក់លេខ៣ ក្នុងរដូវកាល២០១៧/១៨ នៃក្របខណ្ឌ Bundesliga ហើយមានឱកាសឡើងទៅលេងក្របខណ្ឌ Champions League ក្នុងឆ្នាំ២០១៨។

យ៉ាងណាក៏ដោយ បច្ចុប្បន្នលោក Nagelsmann កំពុងដឹកនាំឲ្យក្រុម RB Leipzig បានយ៉ាងល្អដោយកំពុងឈរនៅចំណាត់ថ្នាក់លេខ២ ក្នុងតារាង Bundesliga រដូវកាលនេះ គិតត្រឹម១៤ប្រកួតកន្លងទៅ ពួកគេចាញ់តែ២ប្រកួតប៉ុណ្ណោះ ក្រៅពីនោះឈ្នះ៩ដង និងស្មើ៣ដង។

លោក Nagelsmann បាននិយាយប្រាប់ទូរទស្សន៍ ZDF ថា៖

គួរឲ្យដឹងដែរថាលោក Nagelsmann បានជាប់ជាគ្រូបង្វឹកដែលមានវ័យក្មេងជាងគេក្នុងប្រវត្តិសាស្រ្តក្របខណ្ឌ Bundesliga ពោលត្រឹមវ័យ២៨ឆ្នាំលោកបានក្លាយជាគ្រូបង្វឹកក្រុម Hoffenheim៕

ប្រភព៖ football-espana